琴日行程好豐富..一早譚家搵我去食飯..集合曬人就出發去睇戲..kingkong好好睇..打又激.人獸戀又激..個女主太靚靚啦...難怪隻狒狒會忍唔住啦..kingkong vs暴龍..暴龍俾kingkong咬返轉先..幾搞野果一幕..

睇完戲就去食韓燒..一群人係咁吹水..感覺超正..中途問六合彩.睇來同里個4千萬無緣..六個號碼,一個都唔中...上年全部十八個人..今年十五個..失色左小小..但整體感覺更團結..上年食完就散...今年食完差唔多全部人一齊再去打機..一路由銅鑼彎行到西區..滿覽香港夜景..

最後得返我地幾個係西區隊啤..金係度陪女..我地幾個係度玩返d細佬仔野..捉迷藏..係鐵欄度爬來爬去..又爬上亭頂躲..感覺成個蜘蛛俠咁=.=

兩三點又周圍打電話俾人..吵醒左條蛇..吵到佟ut線..又打俾雯姐..諗住問下雯姐澳州見唔見到黎明..點知通左無人接..計過時差..澳州邊應該係朝早六點..應該係黎明時侯..又打俾忽忽山..同緊老艾係度搞野..

跟住去左食小小野..再同甘 譚去左何屋企訓..返到去五點幾..一返到去第一時間睇雜誌..好鬼精神.又好鬼失望..d人懶到咁.無雜誌睇ga都...張沙發俾譚霸左.同甘訓地下..訓到今朝11點..下午睇埋神奇四俠就返屋企-0-