唉...依家上堂好悶.同隔個無兩句..佢訓完就到我訓..成日係度發牛豆..

放學諗住叫另一個科代表幫手搞掂d簿..佢ga表情唔多願意咁..好多有兩位義士幫手..唔係我諗住掉曬俾miss自己搞..

囉到落去miss話信得過我唔會偏私..唉....令miss失望..覺得對唔住miss..接近半班人無交..囉左幾個去祭旗..好...由聽日開..我一定逐本收齊..無ga話就咪怪我無情=.="洗好囉友去留堂室貓...老豆都無面俾..

覺得做科代表愈做愈過癮..今日都頗悶..周圍個個都啞GA..又唔想專登遼佢地講野..唯有專心讀書..考好會考.直升大學=.="

放學去左打乒乓球.同甘合作表演左一場精彩GA比賽..點知俾金偷拍..

坐小巴返去時..車度有個美國青年向我傳教=.="佢話我18歲讀中五IS GOOD..我問返佢幾歲..佢話20.問佢中幾..佢話佢無讀年幾啦..讀完大學一年級就無讀 專登出來傳教..美國讀大學18歲就可以報讀.不過心理系合格=.=都唔知佢間咩大學校來GA..唔知點解硬係覺得外國佬好好客..賓妹永遠係咁屎繪..

今日調位.同我組人無咩好講.由其隔離果個.得果哦.嗯.係啊.係喎.但我都嘻嘻哈哈咁過左.因為我諗通左.爆左兩日粗.咩野都爆鬼曬.估唔到我up左level.英文入左A2..中文d功課我又亂整.得果廿四本.我記左六條友名..仲要四條奉指可以唔交ga.交功課果時.miss問我係咪被迫ga.我話我好樂意.係自願ga,佢同我講多謝曬.唉.真係有d對唔住miss咁..到時miss查到就死..不過算啦.頂多咪炒我魷魚.鬼叫我都無做功課=.=科代表不過係我ga做功課緩衝期.

放左學去左自修室做功課.發生左幾件搞笑ga事..做完天都黑黑地.又有d寒意.冬天就來啦.好似有d傷感..不過都正.最仲意冬天

今朝一起身就睇左不死狗..個李連杰好鬼勁..佢條女仲好索=.="

返左西環機舖打左陣機.就去左自修室做功課.跟住就去左踼波.入左一球^^"好耐無試入過..

返歸撘小巴.有差佬上來查身份證.阿媽仲話張紙仔唔好帶.等換左張智能先帶.唔見好大獲.好彩無聽佢吹姐.唔係就"囉"啦..返左屋企..一身整齊ga制服.順利咁昆左阿媽.做功課做到十一點幾=.=

今日十一點幾起身.同郭xx表妙吹水吹到二點就返左西環.諗住3點去踼波.5點去中央圖書館.點知阿福要補習.金爺電話又唔通.係西營盤係咁行.行左成粒鐘..之後金爺電話總於通左.去左商業中心買波買鞋.跟住就返西環m記同阿福講聲再見.之後就跟朱仔去左中央圖書館.今次行運.無撞到燃哥...原來一直我將圍園同修頓踼場分唔好.以為圍園係灣仔..同朱坐車去左大球場=.=之後黃xx話係圍園.等一時間諗到.哇..係灣仔咁遠一定遲到..即刻同朱仔打的過去.個司仔的嚇左一跳..搭的士都唔駛兩分鐘就到..個司機一定以為我地有米仔來ga=.=落車時個司機仲同我地講唔好意思.咁近..原來以為好似上次去港大咁.成團人去.點知去到加埋我地得六個人..一到目標地就即刻去果入席ga地方.跟住就一直聽d教授係咁吹..悶到抽筋.個肚又係咁打鼓..今日食左五隻餃子就出來.....早知唔來..朱仔又係咁記d筆記.頂唔順..聽完之後果兩公婆同黃xx去左食野.我同朱就返西環.仲係度諗住係埋果個車站.岩岩諗住搵ga時侯.又見到粒豆丁.咁就一定無錯.返左西環.踼左陣波..隻腳原來都唔大動作得.差d又咬柴..踼完就去海旁飲啤..啤完後即刻去美味棧食左隻雞脾.好少咁狼食野..隻雞脾好快就俾我ko左..可能因為太餓同埋飲左啤個人係癲d ga.唉......咁就一日