今日要返學啦...8點30起身...整野出門口

打比a豪叫佢起身..琴晚佢1點45打黎問我返幾點...

同埋叫佢起身..無奈= =...我聽緊收音機同埋訓著左....

a媽叫我聽電話都聽唔到..佢話響左好耐= =..之後2點幾先訓著

打左比佢之後..我就返去啦..上flash..時間表改哂..本來聽日唔洗返既

但係聽日都係要返-0-"...跟係上pe..玩下健身咁...之後都係坐...

放lunch同a麟..強去食車仔面...1:30上vb..3:30放學..

返到黎都係玩電腦咁...睇下電視...咁就過左1日啦...

p.s 今日拆左利是..有$2010...比番$600 a媽
     仲有$1420..哈哈

今日9點幾身...同a婆..舅父飲茶

之後係舅父部電話到揀左幅BB相...好得意..佢上次影左..

跟住去左a姨屋企..佢地照舊打麻雀...不過都好過係屋企悶...

不過都冇咩野做咁...玩下電腦咁...但係比我細佬玩緊....

7點幾到去食飯..好多人...d"送"一黎到...果個係到夾...

唔洗10分鐘..碟野食哂= =洗唔洗咁快...好多人一齊食飯...

好耐都未試過..今日表哥都黎左...佢食完走左啦...9點幾我地食完都走啦...

返到黎10點..沖涼..玩電腦..msn咁....

今日10點幾起身..之後出左食野...

同埋a婆同舅父..食完去左姨媽屋企...

佢地都係打麻雀..有4台..但係有2台係細路既...

冇幾耐表姐佢地黎左..見到BB..好得意嫁..d手腳都好細隻

打到6點幾到..食盆菜..今次好食好多..上次係大陸果d好難食

食到8點幾..佢地又打麻雀..打到好夜...冇幾耐二表姐同細表姐都黎左...

好搞笑...睇表妹佢地打...講d野又好笑..佢地2個都好得意...打到12點到...

返到屋企12點幾...1點幾訓左...

今日訓到11點幾..好好訓...

之後去左a婆到拜年...之後去左食野...

跟住都係返屋企玩電腦...打番前幾日d日記..

有好多都唔記得...夜晚都係睇下電視..玩電腦咁...

今日9點幾起身..去飲茶...

之後去左拜神..勁多人...又熱..

一陣就返屋企...9樓有人打麻雀

上去睇..打得好大呀..痴線..睇睇下...

係到大叫..拍d麻雀..勁大聲..有隻麻雀八萬"難"左隻角= =

個鋪牌有個人輸左$9000= =...差唔多成萬蚊....

果個都話唔係呀..$9000...我a爸1隻麻雀win左$1800..勁..

12:30返左屋企訓...不過果個人打完就輸左差唔多$20000....無奈

1點就訓啦...

今日又係好早起身..日日起身都唔想起

好眼訓...今日好似有出去飲茶...之後去左人地到拜年...

唔洗10分鐘就走番屋企= =..佢地又打麻雀...

今日都係屋企食..日日都係屋企食....又唔好食...

全部都係格夜"送"..格夜左好多日...

佢地今晚又落去玩煙花..有人彈到眼..好彩佢冇事..不過細家姐就比a哥鬧囉= =

佢話下次唔敢叫我地玩...又要負責= =我都冇咩點玩..都係佢地幾個玩多...

今晚都係好夜訓...

今日好早起身..唔知有冇出到去飲茶..唔記得

之後都係打麻雀..之後佢地去買左煙花....

今晚又係屋企食..又係唔好食既...

夜晚落去玩...都唔多想玩..得佢地玩...係到睇住佢地

之後返上屋企都係咁...悶...唔知幾點訓..好似1點幾..

今日係大年初一..今日又係好早起身...好眼訓...

今日係屋企食..勁唔好食..唔知咩黎...跟住唔知幾點去拜年...

差唔多去左成日....返到屋企見到我表姐係我間房訓覺= =

發覺有d唔對路...銀包..電話放係間房到...之後睇下銀包...

真係比我估中...唔見到$150...我本身有$470係到..唔見左$150

之後同a 媽講..因為唔知點同佢講...話哂佢係我表姐...之後a 爸就話有冇睇清楚

我數得好清楚...有幾多張100..幾多張20..咩色都記得好清楚...

估都估到係佢啦...冇人入過我間房..問過a 麻...有冇人黎拜年...

佢話冇...咁仲唔係佢...就算其他人我放係到..佢地都唔會搞...

之後a 媽係咁叫我問佢...話過左今晚唔問就冇得問...都唔知點問...

佢又成日避我...之後10點幾同我細佬..同埋我表姐出去買野食...

之後我問佢..你好拎番$150黎喎..之後佢話...好野喎試唔到你....

試我..我先唔信..當我3歲細路咩..之後我話比番1張$100同埋1張綠色$50

之後佢比番我...之後算啦..當冇事發生..費是同佢a 媽講...

之後將d利是錢..銀包..電話..放係a 媽間房...之後都係睇人玩啤牌咁..

之後有人打麻雀...我姑媽唔識打既...但係佢又話要打..打左3次唔打= =

之後冇人打..跟住我伯爺叫我打..因為爭1個人...我係識打..不過冇錢..

就算有..又驚輸..同d大人打= =好似唔知點咁...之後伯爺比左$200我打...

無奈地要打...但係又比我win左$100..哈哈..比番佰爺佢唔要..有$300

我同我細佬每人$100..哈哈...之後2點幾差唔多3點先訓...

今日好似10點幾起身..之後就搭車返大陸..

冇咩人..返到12點返到去..飲茶...返到去佢地又打麻雀....

夜晚就食盆菜..唔好食既...之後佢地上左9樓玩啤牌...

有d係8樓打麻雀...勁嘈..d人又係到叫...好似d賭檔咁...

未到年初一就收到4封利是..哈哈...之後上去睇人玩啤牌....

痴線嫁..d人win左成堆錢..我伯爺輸左1萬= =

跟住我細佬10點同我表姐出街..又唔叫我..等我係屋企悶到死...

12點之後..勁多人放煙花..好似爆炸咁...好大聲..係屋企睇煙花....

周圍都好閃..之後都冇咩野做...2點30去左訓...

今日12點起身..之後食左d野...就係咁玩電腦..

夜晚就食團年飯...食完係到睇電視...11點幾落左去行花市...

睇人玩魔術..睇到我傻..好勁...我玩左幾次....

行到12點幾...去左B仔食野...食完就返屋企...係花市行左1陣..

就返屋企...1點4返到屋企....之後訓啦....

p.s 聽日返大陸啦..唔知幾多號返黎...