飲完下午茶，去左柏麗間勞工處度搵工點知份份都唔少野，請中五既又要３－５年經驗，唔使經驗又要中７以上．．．咁都叫做勞工處！

跟住阿哥叫我買漫畫，話睇ＤＯＲＡＥＭＯＮ大長篇１２期，咁我去左２０樓，搵唔到，我買左戰國無雙２既攻略番屋企打機！

一行左出去柏麗，我想打比妹妹啦！比２個人截停，１個係中７女仔，１個中５男仔，佢地向我傳教，我心諗住１個英文字：ＳＨＩＴ！

佢地不斷講，話心中有主幫助，考試拎分會有機會好Ｄ，又話信主既人死後可同神共在，唔信主既就唔得！又話古羅馬有５００人見証耶穌復活！

仲話我願意企o係度聽佢地講係神既安排,我心諗:有d禮貌姐,唔係好人既!

我真係好想問佢地2個係咪主叫佢地企o係度唔理人地係咪得閒或想唔想聽都迫d人聽佢地講!

我仲想同佢地講500人於全世界黎講分分中連1%既人都冇!

死後有主陪有咩好,冇主陪咁又點丫?

考試改卷係神改丫定評卷員改?咁我唔溫考10科都應有10A啦!

如果主愛世人既,信唔信佢都一樣要愛啦!做咩要信先愛佢丫?係咪佢o係度搞分化丫?

結果我比佢地2個講左半個鐘,我終於都走得啦!比我走先係主既意願呀,e+先發現!

番屋企打機,打左1陣,father叫我地出去市中心食野,食元氣壽司丫!但要我地排隊!=_="

咁我地去左排啦,我見到有mcdonald,買個ice-cream食啦,一回頭見到周禮廷!即刻令我生出1鼓厭惡感,杯ice-cream即刻比我既厭惡感溶化!

好耐冇食元氣,多左個他他牛,油甘魚,蟹,他他牛仲有血tim!不過我食左啦!都ok既!係有d酸味!

番屋企做世界杯其實我對世界杯都冇興趣既,可能我同其他人唔同!阿爸睇到好嘈,我好難想像如果我鍾意睇波,會唔會好似佢咁?

忽然覺我自己好似好特別,唔睇波唔睇馬,冇鍾意既明星,又未拍過拖,好似......唔知點形容!