今日番去練oral,我同陳駿熙(唔知有冇打錯),周婉儀2:30練,我地好認真呀!好乖咁練!陳駿熙今日考呀!希望佢成功啦!

3:30,bb豪黎左,我一見佢就一齊"喂"左一聲!跟住Miss Chan話,"呀唐宗寅咁耐都未到既?"我同bb豪已經做定打敗幻魔王唐氏中人(宗寅)既準備!我地決定坐埋一齊,費事比佢個口臭親!

佢終於到啦!佢不知幾evil呀!居然遲到,咁岩陳駿熙夠鐘考,咁佢就比左個位唐氏中人啦!咁我地做緊roleplay,聽到bb豪成日都1讀the internet,跟住又改番做"d" internet(i係響音)!跟住佢又講講吓,臨尾仲大笑!我唔知咩事呀,我跟住一齊笑囉!

跟住我做role play有進步到,自己感覺到!跟住做group discussion,我地講得好多野,跟住討論到"搵咩人做校網"我話it worker,跟住唐氏中人就用英文話"咩it work話,我唔明喎!"咁既意圖啦!佢分明意圖想搞到我出醜,話我講唔清!(其實得佢一個聽唔到,周婉儀都聽到)但我梗係唔會輸比佢啦!因為我聽日就考,如果聽日遇到咁既事,我都唔可以窒窒吓,e+即時可以比我試吓身手啦!我即時答佢"i said it workers!i think you should listen carefully!(譯:我係話it workers,我諗你應該小心d聽)"跟住MISS CHAN,BB豪,周婉儀都笑,又即刻忍住睇佢地3個咁博命忍笑,我費事再串佢!跟住佢居然話"oh!sorry!i can't listen clearly!"我幾想話[聽唔到去睇醫生啦!企o係度!]不過玩discussion係唔可以有火藥味,於是我唯有講"ok that's fine!"跟住miss事後叫我唔好咁講,因為會有火藥味!咁我問佢應該點講啦,佢話唔好理,答佢就算!

第2次,我地講到話賣3,不過賣3係可能唔夠賣,咁我地話賣埋汽水,野食賺錢比慈善機構!我就話野食可以賣埋snack(零食),跟住唐氏中人又話"snake?(蛇?)"我又話"i said s-nac-k"跟住佢冇野講囉!我地今次既打敗唐氏中人既計劃好成功!幻魔王冇得再惡啦!

跟住番屋企,打機,打日記!