| «‹ May 2016 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | 31 | |
|
2011 年 6 月 2 日 星期四  |
| 好耐都冇打過qooza拿,見今日得閒,打下先... |
分類: 未分類 |
我既人生,有咩目標.....?
我相信問好多人,都答唔出,
要搵工唔難,要搵一份好工,就難.
百佳,番左差唔多兩個月,冇做,所以先有時間打下,qooza,
唔做既原因,主要有兩個,
1.人事....我唔係好中意上級既工作模式,(信唔過人,其身不正,自己食煙吹水就得,人地就唔比,大家都有牙媽生既啫..)
2.辛苦....係我未入黎做之前,想像係好輕鬆,大家嘻嘻哈哈又一日,點知唔係...日曬又雨淋.咁搬..
雖然同大部份同事都相處得好好,但因為以上兩個原因,令我決定放棄....
我係好希望搵到一份同同事相處溶洽,有歸屬感既工,辛苦都唔係太大問題...
我都好羨慕有d人,當工作地點係自己屋企咁,一份工,冇歸屬感,真係好難做落去..
當我第一日番百佳果時,經理講左句說話,令我終生受用,就係,
當你番工,對住同事既時間分分鐘耐過你屋企人,所以同同事溶洽相處係好重要...
我覺得喱句野係好岩,而且係我最認同佢既一句說話.
而我而家,就呆在家中,等咩,...連自己都唔太清楚...
而我,唔可以只為錢,百無了賴咁過日子...
18歲,話大唔大,話細,都唔細,係時候為目標打算下....
好今次廢up住咁多先,下次有時間再打過..//
|
| 2011 年 3 月 25 日 星期五 |
| 終於辭左工.... |
分類: 未分類 |
我覺得自己好冇用,番左7日就頂唔到,支持唔住/
係廚房,佢地都對我好好,主動煮野比我食,好耐心咁教識我好多野.
比左我好多歸屬感,對我期望都好大,....
無奈地,工作時間實在太長,冇時間比我休息,
再咁做落去,會連健康都失去埋....
到係我同大佬講辭工果時,我都好難開口,
但最後都講左出黎..... |
| 2011 年 3 月 20 日 星期日 |
| 一個錯誤既決定... |
分類: 未分類 |
3月16號,一個惡夢既開始
自從冇做ikea,就番佐敦既廚房...
唔知係我自己頂唔順,定係真係太辛苦,
番左哩份工,我所損失既,實在太多...
番工同埋搭車,用左我一日既15個鍾,重有9個鍾用黎做咩,?訓教,梳洗...
時間,精神用黎換取我既金錢,前途
有時,金錢真係咁重要.?我就寧願搵得冇咁多,開開心心咁過一日就算...
一日最大最大既娛樂,就係訓教.
係廚房,因為我牙媽識人,大佬都好錫住我,牙媽對我既期望都好大,
無奈,自己真係挨唔到,廚房有人話:我做靚仔果時,仲辛苦...
今日既假期,我用左大部份既時間用黎訓教,
我真係真係想唔做,因為真係好辛苦,
但,人地一心想栽培我,我實在唔可以咁自私,
所以,我做定唔做,哩個真係真係好難下決定
有人話,唔辛苦點搵世間財,都有人話,錢係搵唔曬,做咩要令自己咁辛苦呢,
搵得小,咪使小d囉,我到時怕,辛辛苦苦搵完d錢番黎冇命享.. |
| 2011 年 3 月 4 日 星期五 |
| 3月16號,人生轉變點.... |
分類: 未分類 |
好耐好耐都冇打過QOOZA啦.
IKEA番到15號,就唔做啦......
第二日就要係佐敦番廚房...我係未做過..
有得轉換工作環境,本來係一件開心既事黎,不過......
不過...時間同地點我有小小失望,番12,放12....仲要出到佐敦咁遠.
果到係牙媽識人,介紹我入去做既,我都知做哩行,做得好,將來都會有好前途..
但咁長既工作時間,我覺得會影響左我既娛樂時間,如小左出黎挽既機會.
前途同娛樂唔通唔可以共存.>?一諗到哩到,就有小小唔開心///
前途同娛樂,我選擇左.....前途.....係要有付出...
日日就番工,坐車,同訓教.....重復又重復....生活極之枯燥..
最後,當然希望入面,認識到好朋友,好師傅,同埋女朋友啦..^^
|
| 2010 年 11 月 8 日 星期一 |
| 出車之大尾篤 |
分類: 未分類 |
好難得咁同牙東一齊放假.
放假既一日,訓到一點幾先起身.
食左小小野就出左聯和買魚餌,
之後就同東,菜強出車去大尾篤,
雖然條路鬼咁多人,但..
一如既往,假日都係咁多女,正.踩車都冇咁悶..
出到大尾篤,飲左支野就去三門仔釣魚魚..
途中,又玩我出車最中意玩既野--推女....哈哈..
一路聽歌就一路推女,
話咁快就到三門仔,我係唯一一個釣到魚既人,有一條咁大把..
8點到就番到屋企,一日既假期咁就開心地度過左.. |
1 | 2 | 3 | 4 | 5 | 6 | 7 | 8 | 9 | 10 | ... | 15 | »
|
