今日9月6係我生日的前夕..收工同相公行左陣返左入屯門

本來叫佢幫我準備行程..點知個回應..大家真係唔好笑死..

相公:我好比心機諗左好耐諗到頭都痛先諗到你收工我地出mk影貼紙相行下街再食飯

-0-今同平時有咩分別..重話[好比心機諗左好耐諗到頭都痛先諗到]...我笑死左..

中間重話同佢family慶祝..我想生日有時間2個人一齊囉..傾下笑下唔好咩?

搞左好多野,咬都嗌過..最後就係tw影完貼紙相返屯門食飯..

係相公屋企坐左陣睇返前日的家好月圓,去左海趣坊食日本野~

羅媽媽問我地同唔同佢地食...個心掙扎左好耐..覺得黎到又唔同佢地食好衰

但最後都叫自己堅持d,當然話想2個人過就2個人過..

我唔需要覺得對唔住邊個..我都要照顧自己感受!!更何況係我生日!!

所以就過左幾小時好簡單好滿足的2人世界~

食完係商場撞到羅爸羅媽同羅姑媽姑丈..影左陣相就分開行

跟住我地行左一陣就返屋企..點知係屋企樓下又見到佢地

大家上到去睇羅家去南非的片..我愈睇愈眼訓zzz

等到12點我地就食生日蛋糕啦!!

食完即刻返屋企..好眼訓..哈