好想講一D工作上既事 ......
但係又怕比某某某某某D人睇到 ... (尤其係「巨人」...)
所以 ~ 唯有將呢到當做負面情緒垃圾桶 ...
令呢到係一年多之後重見天日 !!!
警告：任何情緒低落者從速按「上一頁」或「主頁」鍵離開，
又或者按右上角「X」來個眼不見為乾淨!!
．其實幼稚園停課後，我覺得返工冇左寄託。
．今日係畢業禮，有好些「朋友」應該不會再見。
．每天面對「巨人」真係好頂佢唔順！咩時候先可以大大力咁車巴佢？
．我每日至少要睇貼係reception果張「常想一二 不思八九」3次、每次30秒。
．唔記得講...雖然我貼張紙係果到，但係reception唔等於係我既枱／我既位置。
．每日返工，我既身家性命財產就係塞係reception底下既一條罅到。
．唔記得講...雖然我塞個袋係果到，但係reception底下條罅唔等於係屬於我既。
．每逢放學時間，坐係果張疑似係屬於我既凳上面既人一定唔係我。
．處身係校務處，唯一感覺就係缺乏生存空間／冇我容身之所。
．唯一既文具，係一支4色筆。
．但係琴日「巨人」將佢借左俾一個新生家長不特止，仲睇住佢拎埋走而唔出聲！
．幾乎每天都要用電腦工作，但沒有專用電腦。
．打兩段會議記錄要轉一次電腦，因為電腦主人歸位。
．大人要我FAX一張通告俾百幾間中小學幼稚園商業機構，星期六上午FAX唔完下午繼續(即使只係返半日工)。
．之後仲要等一份唔知幾時先出爐既文件，只係為左將佢COPY成9份。
．該份文件5頁紙，砌好左3頁俾佢只需打2頁(搵資料COPY&PASTE)，可以由上午11點開始答你「就得」至下午5點正。
．雖然大人「好客氣」問左下午有空與否，亦回答3點半有約，仍強迫加班至5點17分(已經全日俾晒佢啦)。
．冇人知道我係咩職銜，包括校長主任老師書記家長或學生。
．雖然合約寫支援老師、名牌寫老師、學生叫我姐姐、家長叫我小姐，但實際上我係呀四。
．仲係「影后」。
．其實好怨恨，但係咁既時勢點搵一份待遇更好既工？
負面既野實在太多...
只係想搵個戰友 ... 點解咁難？？ |
