病咗2日, 今日訓到12點幾, 一起身已經 feel 到精神咗好多, 我諗應該係呢排唔夠訓, 所以病囉! 天氣好鬼熱, 有啲衝動剪咗把頭髮......但我怕會後悔, 因為我啲頭髮生得好鬼慢......對住呢把頭髮咁耐真係有啲悶, 不如電咗佢啦......但會唔會老咗呢? 下午走去髮型屋, 點知鬼咁多人, 仲要有排等嗰隻, 電髮起碼要3粒鐘啦, 咁咪有排都唔走得?  結果就梗係放棄咗啦, 遲多個禮拜先啦, 話唔定到時我唔想變呢! 今晚去咗三聯買咗本寧靜嘅書 - 擁抱我前請關燈, 已經睇咗30%啦, 幾好睇喎! "男人, 無論他長得多好看, 多有學識, 始終像一杯沒糖沒奶的咖啡 - 放在鼻子前嗅很香, 喝進肚子裡便很苦.  直至, 你習慣那種苦味, 或者, 再也受不了那種苦味為止."