好想整包, 早兩日已經準備好晒啲材料, 但遲遲都未肯動手...... 今早一起身第一樣諗起嘅就係整包, 所以一食完早餐就倒晒啲材料出黎, 辛苦左半日...... 11:30 - 開始搓粉 (搓左半粒鐘, 搓到手都腫) 12:00 - 開始發酵 (因為天氣凍, 所以禁錮左佢個半鐘) 13:30 - 第一輪發酵完成, 切割造型加餡, 再發酵 (我做左兩種味道 : 朱古力 & 士多啤梨果醬) 15:00 - 第二輪發酵完成, 搽旦漿然後入爐 (士多啤梨嗰種唔係好成功, 可能啲醬太濕, 喺個底流左出黎) 15:30 - 出爐啦!           後記 : 1) Aileen & Amos 都話好食, 但略嫌朱古力少左啲 2) 餡料都係用固身嘅好 3) 記得上一次整係好失敗嘅, 所以今次好比心機去搓個粉團, 結果口感係出乎意料地好......哈哈, 所以呢......手腫都係值得架!