今日嘅狀況好似仲差左咁, 都唔知個醫生係咪開左啲慢性毒藥比我, 攪到我一日差過一日......今晚终於換過第二個醫生, 睇吓聽日係咪好啲? 我已經叫左 Gloria 準備定帛金同埋籌備定個治喪委員會, 以備不時之需 ma! 我最怕係飲藥水, 仲要係咳藥水呀, 好鬼苦......諗起枝黑麻麻嘅咳藥水......好想死呀...... 我同醫生嘅對話如下 : 醫生 : 嗱, 我開啲止痛藥, 消腫藥, 傷風藥, 消炎藥, 化痰藥, 止鼻水藥, 止咳藥同埋喉糖比你啦! 病人 : 醫生, 唔要藥水得唔得呀?  醫生 : 唔......藥水快啲好喎! 病人 : 止咳有冇藥丸呀? 醫生 : 藥水有效啲喎! 病人 : ...... 就係咁, 嗰支咁討厭嘅咳藥水就跟左我返屋企啦......