lee排差唔多都會隔日隔日錦去圖書館睇書..

圖書館比我既感覺真係好舒服..又可以睇到好多好多唔同既書..

不過淨係聯和墟圖書館先會比到舒服既感覺我..可能地方大..多sofa..人流小..多空間..

本來今日我都係諗住出去圖書館既..不過突然二伯娘打黎..問我出唔出大埔..

都好既..反正我都要跟佢去整一整堂眉..所以下晝我就跟左二伯娘出去喇..

講起上黎..我都係第一次同二伯娘單獨出街..第一次同佢出街我就搭錯車..唉......

好彩唔係去到總站我就落番車..唔係就死得喇..諗起上黎..我都好耐冇同屋企人出過遠街喇..

真係好耐好耐喇..以前細個既時候..我地有時間都會大家出去行下..搞下family day..

愈來愈大個..就愈來愈減少..唔得..搵一日搞番次family day先 =] 之後我地去到大埔..

我就跟住佢去佢o個間美容院..我去到都有D緊張..又驚唔知痛唔痛..

不過同我整o個D人都好nice..係一D都上左年紀既人..都整得好快好專業..

佢好有耐性..慢慢研究我個面形適合點樣既眉..我都覺得lee間唔錯..

不過都真係好痛 >< 有D部位就唔痛..有D部位就好痛..我都不停忍住嫁喇..

佢都知道我痛..佢不斷幫我按摩番..經過一段時間..我既開眉就結束喇..

我都唔知好唔好睇呀..我媽咪就覺得唔錯..我就冇咩意見..係短左幼左..小左D雜毛..

哈哈∼不過好唔好睇都好喇..我頭髮D陰係dum落黎既..冇風吹起我D頭髮都唔係好睇到..

之後我就同二伯娘分開行動..佢去吉之島行..我就周圍行下..行左一陣..買左兩套台劇..

之後我就去吉之島join番二伯娘..好彩之前同阿包黎過幾次大埔..都行熟左..唔係真係怕自己會迷路..

去到吉之島..我又有點瘋狂喇..因為真係有好多吸引呀..之前同阿包黎既時候..我地都係一樣..

E家都係..買左好多熟食食物..滿載而歸  真係好開心呀..好耐都冇錦樣買野發喇..

由2點行到6點..6點我地就返屋企喇..其實大埔都有好多野行..今日我都未行晒..下次我都想再行過..

搵日搵人陪下我去先..你地邊個有興趣呀 ?? 一齊去丫 ^^