今日如常都係要返工..

家怡已經冇做lu..又變得只有自己一個人做><

我唔想得自己一個人做..所以我去問老闆娘請唔請人..

老闆娘問我係唔係有人選..所以我琴晚就試問包包做唔做..

正常D佢應該會話唔做既..但係唔知點解我問佢..佢好快就話好..無問題..

我都啞左-0-不過亦唔難明既..可能佢等錢洗..或者見有個伴無所謂喇..

所以今日我就帶佢去見工..我約左佢12點10 o係火車站等..

同佢都好耐冇見..我坐左o係佢隔離幾廿秒..佢都發現唔到我= ="

我第一眼望佢..覺得佢好似唔同左..係外表比我既感覺唔同左??有D睇唔慣..

我同佢開玩笑講.."包包..你唔係我以前所認識既包包喇.."..佢比左個皺眉頭既表情比我..

跟住就話"下..點解丫??不過你都變左唔係我以前所認識既彤彤.."..lee個話題我地足足研究左幾個路線..

得出黎既答案就係"可能大家耐冇見掛.."..我今日返2點..佢跟我一樣2點返..

我地好準時..岩岩好2點正返到..包包就開始見工..我準備開工既時候..有人打比我..

係一個好陌生既聲音..佢叫得出我個名積係我應該識佢..但係我真係聽唔出係邊個..真係抱歉><

原來係一個好耐好耐冇見既小學同學..真係估唔到..佢同我講今日係學校既舊生會日子..問我得唔得閒去..

跟住我就話.."如果你早D搵我..我都可能出席到..我E家要返工..你地玩得開心D丫..老闆娘望住我..我地再聯絡丫.."..

佢比左個電話我之後..我地就收線..跟住我就開始開工..包包好快上手..真係勁星期六真係好忙..好多人..

成日都做到冇停過..搞到我個胃又開始痛..佢地見我唔係太舒服..叫我坐o下先..我抖左一陣..食左小小野..好番好多喇..

跟住繼續工作..真係冇停過..我地連續做左4個鍾..後尾小欣黎左..我地先可以鬆一鬆詐.....唉...............................

另一方面..老闆娘唔知做咩..今日o係錦請我地食野..請食完一杯粟米..跟住又請我地食KFC..好..好..好飽丫...

跟住我同包包都返到11點幾先放工..累死喇..真係辛苦晒之後我地都係玩PSP錦回程返屋企喇~~

最後..同包包都一齊返左第二份工..兩份工大部份時間我都返得好開心..係真嫁..但係都總係有一小部份係唔開心..

我真係唔知係我自己問題..定係佢既問題..我諗左好耐..我諗多數都係自己問題..係自己一個小小既壞性格影響自己..

我成日同自己講要改左佢..但係我都係做唔到..不過其實lee個壞性格都比以前好左好多..我諗我真係要改到完全冇晒..

唔係遲早有一日我會逼死自己..

*好開心可以再一次同包包返工..之後大家都要加油丫!

*好開心班舊同學搵番我..要再聯絡丫!