今日超級勁好笑...

寗少今日係咁話"Da Da，今晚食飯喎"

我問佢係咪請我食

佢話"好呀"

我咪同佢講話要食法國大餐，

佢話好，係咁叫我比個電話佢

我都唔理佢啦，

都明知我地兩個係度互相玩人，

咪同han han 一齊溫中史囉，

不過我自己寫寫下都覺得好笑!

哈哈~

Geog 堂嗰陣，老師畫個湖畫到好似個電燈泡咁，

跟住又話個湖比人填咗，畫細咗，搞到好似個蘑咁，

跟住佢又話啲湖比人攞去種野，搞到好似個水桶咁，

簡直就同我地去見證大自然啲奧秘咁，又笑咗成堂...

中文堂，我想出去答LK啲問題，

隻手舉咗一半，henry問我"你係咪舉嫁，係就舉高啲啦!"

跟住我過咗一陣咪舉囉，

LK叫我出去嗰陣咪同佢講"我依家咪舉咗囉"

佢跟住話"吓，真係舉嫁?!"

笑死我....

Angle 用普通話答問題嗰陣講"寂寞"，講咗做"自摸"

我地成堆人爆笑，一齊問佢"你係咪打麻雀呀?"

今日好開心呀，好多笑料呀!!

我啲friend 好正呀...

希望其他日子都好似今日咁好笑啦!

哈哈..................................

P.S. 今日，han han好呆呀，竟然話武則天原來係女人...