今日校慶呀!返9:00,可以訓晏少少啦~今朝仲精神過平時呀!約左sin係7-11等一齊去觀塘!今日我冇遲到呢~去到觀塘

蚊啫寶啫最遲呀!等佢地個時見到亞軍,佢同我地一齊等~.......

返到班房好彩唔係我地最遲姐~食左d好垃圾既垃圾,難食到嘔茄呀!最好咪就係亞青整既菠蘿腸仔~唉...食左唔係好多

野就出左去同人傾計..之後又有班內活動--「踏波」,d人出晒去玩...哈..我做睇個個仲開心過玩個個呀!哈~~steve

勁爆力呀!gloria同steve簡直就係同一類人--「暴龍」(絕種動物)!波王steve同波后gloria鬥呀!爆激呀!哈哈~兩者

誓不甘休...精彩~~哩個「踏波」活動玩左好耐時間~玩到完場~無聊到極!...

之後落左去睇才藝show,有d人唱歌勁好聽呀!good~仲有人跳舞添.,.型呀!睇到12:30走人~落左去amp行~行左冇

幾耐走lu~去左藍田買野~買完走人,返左屋企啦~今年校慶係最無聊嫁~最好玩都係f.1個年呀!>.<

27/11今日又去練武~練完~去左亞b屋企~整壽司!!!!超好味呀!雖然我唔係b班姐~都可以幫手整嫁嗎~一路整一路食

~好味好味~整完亞寶舅父黎接佢走啵~仲車埋我返屋企添~唔係咁好意思嫁嗎~~係咪先!不過最終我都係上左車~哈

~駕車勁型呀!外面睇型,內睇豪華!仲開埋d激歌~正~返到屋企仲要食飯添呀!飽死呀!食完壽司又要食飯~飽到嘔茄!!!

下次得閒個時都整下壽司先~想食?哄我開心咪整俾你食囉~呵呵~聖誕節就到啦~唔知又整咩新野俾大家食好呢~

26/11今日一直留係屋企呀!!勁攰~~~但又係最嚇人嫁!11點幾起身左...玩電腦啦..玩到3點幾好眼訓,又訓過,好耐都

冇訓過晏教啦~爽呀!!!!最爽既係,我一睜開眼個時成隻大雀企係窗邊呀!!嚇到我叫左出黎!佢即刻望住我呀!嚇到我唔敢

郁呀!我又驚佢飛入黎啵!我死都唔郁~我望佢佢又望我~~~咦...好鬼死驚呀!屋企冇人啵~冇人救到我!我同佢對望一

陣佢就飛走左.佢飛個時又嚇親我喇!啪啪啪~佢對翼又啪得勁大聲!唔嚇親我就奇啦!我決定起身玩電腦啦~一陣!啪啪

啪~啪啪啪~兩隻呀!!!!!!!!!!今次係兩大野飛埋黎呀!今次仲要企係冷氣頂呀!!!!對望位置岩岩好呀!!妖~俾佢兩隻野嚇

到半死呀!個時又黑啵~咁我就開燈啦~噠(燈開左)~兩隻野一齊望過黎~咦~~~~救命呀!點算呀!~~最後我決

定"刪"窗簾~一拉,兩野隻俾我嚇親!啪啪啪...啪啪啪...飛走!但我俾佢地飛走個d聲驚親呢!妖~勁無奈呀!但個時別無選

擇,鬼叫一起身見到隻野咩~咁核突!~打死都唔再係太陽落山個時開窗簾呀!要開就一早開!哼~死雀!