10月27日星期四

今日好開心呢~男子打friendly呀!對觀功呀!!!型爆呀!(觀功d仔)我地成班人

女,都唔係睇波嫁,而係睇仔呀!哈~~爆正!我地勁係到傾,8號同11號最正呀!

傾呀傾呀~個個傾到勁興奮呀!哈!人地8號隊長咁靚仔而我地個個..........唉~

打左3局最終我地贏左呀!勁野!打完6點幾天黑黑~我地成班勁唔捨得佢地

走呀!哈~太靚仔啦~~~~~~~~

10月28日星期五

今日係預祝Halloween嫁~仲諗住去海洋公園玩鬼屋嫁!點知又冇票又冇錢!

唉...又失敗又失望!放學後我地成班人傾去邊到玩【係哩個時候,幫我見到

琴日黎我地學校打friendly個個11號仔呀!!! ...佢著住校服嫁~爆型呀!佢見

我,我又見到佢,大家互望呀!呵呵~甜死呀~哈~個刻勁想跟住佢尾嫁~因為

佢又係行去地鐵站個邊呀!呵】但好可惜亞B佢地唔俾我走~要傾埋先走

得......嗚~~~最後都決定左去唱k~wakakaka!!!大家約左x:xx到淘大GreenBox

等啦~(我,臭b,蚊,寶,心,意,潘少,Eric)8點幾開始唱~我地可以唱到佢地收工

為止呀...姐係凌晨5:45分!!唱左唔夠兩個唱個個把聲沙晒~我就冇事呢~呵

呵!!!強呀!到左12點幾潘媽吹潘少返屋企呀!亞b又要返屋企啵!佢地兩個就

走左啦!得返我地六個!玩呀玩呀!玩到唱神Eric都有d攰呀!哈~之後我就開始

搞佢地玩遊戲啦~爆搞笑~勁好玩呀!個個玩到精神晒~哈~到左3點幾,個個

都好攰,我原本諗住去亞心屋企訓嫁~但第二朝又趕時間返屋企換3返學(練

排球9:00am),最後我都決定自己搭的士返屋企呀!!!搭左成50幾蚊呀!返到屋

企3點幾~搞埋d野就訓lu~今晚唱k唱得勁開心呀!哈~

10月29日星期六

嘩~今朝遲左起身呀(8:30am)!9點要返到學校~死得~拿拿聲起身呀!><換好

3就飛出門口~到左觀塘都係9點2~勁野!點知係36A小巴站見到亞青,即刻

沖上去呀! 返到學校拿拿聱食埋早餐~打波!!!!ms都同我地一齊打呀!

good~今日男子籃球隊霸左我地半個場~算~豪俾佢地啦~10點幾個時見到

Eric返黎練吉他!同我地(心,意)一樣要咁早起身!苦呀!得亞蚊唔洗返咋~~><

打完返到屋企成點幾,沖個靚涼就訓左~嘩~訓醒個時已經係晚上8:xx啦~食

個飯,睇埋電視,玩下電腦,睇埋日劇,不知不覺己經2:30am啦~我即刻訓教呀!

聽日仲要比賽添呀!

10月30星期日

今朝又7點幾起身啦~累死呀!一起身凍死我呀!!!得個22-24度~ 搞掂晒野,

食埋早餐出門口,8點幾~我地9點要到石鼓壟呀!我約埋亞心亞意一齊去~去

到猜下波~10點lu~比賽啦~一開始我地拎住個勢嫁~但後己又差返~唉~~打

呀打呀!完場~輸左幾分~10都冇呀!咁就死左啦!但ms仲讚我地呀!哩次比上

兩次好好多,下場繼續努力啦!梗係啦!我地明明係B gp嫁嗎~但為左兩個隊

友升左上A gp~算啦~第一年係咁嫁啦~當吸取經驗囉~下年再黎過!食埋野

返屋企~之後要陪倩妮去mk買野~之後我地行呀行呀!4點幾5點就走左啦~

仲有呀!係mk地鐵站個時仲見到羅俊偉同老馬仲有兩個好樣衰既人呀!我地

大家互望口中講:「慕光嫁!」之後我地就走左啦~返屋企玩電腦啦~~~聽日

仲要返學,仲要練波添呀!＊︿＊""""死左啦!

10月31日星期一(12.01am)

Sinthy lam俾左我個icq8號仔呀!點解sinthy有?(因為佢地原本係小學同學)之

後我就同8號仔傾計啦~同佢傾計都幾開心嫁~佢都幾搞笑!啊~係呀佢個花

名叫【羊】,佢個名叫【恆】呀!哩d都係sinthy話俾知嫁!我同8號仔傾左半

個鐘左右啦~佢就要off啦~遲d再傾喎~~~但更寧我驚訝既係我地成班話好

正個個11號仔~佢竟然係91年出世嫁!足足細我地一年呀!就連幻想既希望

都冇左啦~唉~~~!哈~~不過幻想下佢個樣都幾好呀~~呵!講笑咋~我似咁變

態既人咩???!