今日

只能夠話 我同朋友 同你地 的確係好真心好真心咁笑出黎

但當我行緊番屋企 番到屋企 面對家人 就算電視節目有幾好笑都好

我而家都係一樣冇表情

我唔明點解我會咁 好似 .. 開心唔開心對我黎講而家都係一樣

就算你同我講而家中左頭獎 我都感受唔到任何既開心

我而家好似已經唔介意人地對我有咩感覺 因為就算我知道

講到我幾差都好 而家我都唔會有反應 唔會嬲

今日番屋企既時候 我同自已講 如果個天真係會俾三個願望我

我會要咩呢

第一 我希望解決而家我屋企 家人想面對既難題

我唔想見到我地屋企人大家都係苦瓜既面口

另外 希望能夠用我既壽命時間 黎增加屋企人生命既時間

不過只係我既單純想法 我希望佢地健康 唔好遇到咁多困難

最後一個 我唔知道 仲未諗到 如果可以的話 暫時實現頭兩個就可以啦

今日練琴 要逼我彈快樂 輕快 高興 既歌

其實只係逼我做 但係我卻提唔起勁去做得好

好想呢個世界都慢落黎 同我既步伐一樣

我希望我聽日一覺醒來會同今日唔同

今日 面對只有自已既我 實在太恐怖

我唔鍾意 我好想笑 但係我搵唔到理由去笑

我怕以後我淨係識個冷笑 人地睇落會覺得係奸笑 咁樣會更可怕

希望呢一日快快結束 讓我睡一個好覺 明天會不一樣吧 !

呢個 q00za 我諗之後我都唔會日日打

因為之後我能夠開電腦既時間唔多 仲有太多野等住我去完成

同埋我呀姨 表弟 會黎呢度住 能用電腦既時間更加不多 抱歉 !

希望下一篇打既 會變番正常 平時白痴既我

p.s 我會繼續發埋我之前一直做開既 100 問

如果大家有興趣 其實一樣可以拎去做 我完全唔介意 !

今日我冇用任何表情符號 壞習慣算暫時改左 再見 !