全因 Michael Jackson??? 
分類: 未分類
2009 年 7 月 10 日 星期五 
當 Michael Jackson 死訊傳出後, 全球的傳媒都爭相報導!
報紙日日都MJ, 電視晚晚都MJ, 連旺⻆VCD舖都MJ................
(我並不是討厭或看膩, 只是驚嘆他對全球的影響力!!!)
呢個時候......奇怪既事又再出現啦!
記者訪問某藝人, "MJ離去,對你有何影響?"
"我細細個就䏲MJ, 我好鍾意佢, 我入行都因為佢........"
(基本上, 問十個, 九個都係咁答!)
但我記呢個藝人, 話自己入行係因為阿梅(阿梅離開個時),
又話過自己入行係因為哥哥(哥哥離開個時)
點解無石堅份???
佢搞到我混亂.......到底係邊個令佢入行.........呢個係一個謎!!!
我覺得佢個答案仲假過深圳個件comme des garcons!
所以我係度先旨聲明,
我入髮型界, 係因為木村拓哉 (睇完beautiful life呀!)
對時裝的興趣, 係因為hedi slimane!
要是將來某者離去(我當然希望佢地長命百歲, 我咁愛佢地!)
我都可以光明正大咁講, 全因為............
