今日放學睇到一班小學的同學在球場踢波,我見到佢地踢得好開心,有一剎那好想走去同佢地踢波 雖然佢地踢到好亂,十幾個圍住一個踢,冇紀律咁,但佢地踢波真係踢得好開心,好投入!

睇到我都由心而發咁笑左出黎 

快樂的時間過得好快,好快佢地就要放學,我見到佢地個個都唔想離開,想一直玩的心情.....

到最後,我見到佢地個個都背住書包,我見到佢地每一個背的書包都好大好大,大到我覺得可以壓住佢地咁!仲要唔係一個,而係十幾個小朋友都係咁,好同情佢地,原來細細過就要背負住咁多,相信佢地放學回家之後一定好辛苦同好努力去溫功課,面上出現的一定唔係踢波的快樂,而係....... 

希望..同學可以快d開心番啦!可以快d忘記唔開心的事!唔想再見到你瞼上留下唔開心的表情,希望明天可以見到你臉上出現開心的表情!你要記得我地的目標丫,唔好放棄!一起努力完成!