| «‹ May 2017 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | 31 | |
|
2013 年 4 月 4 日 星期四  |
| 首爾遊樂行 ❤保養妝品篇❤ 第四擊❤BEYOND❤ |
分類: 未分類 |
BEYOND 係明洞有間專門店
我同行朋友一早就認定要行呢間!!
香港SASA都有代理佢的產品, 但真係唔多出名~
行門店都只有小貓三四隻,
呢個牌子我個人幾鐘意佢的概念, 但買得唔多!!
無添加色素、無沉澱物、無酒精、無動物成份、無油份、無化學性防腐劑
兩支洗面, 三支唇膏,
返香港用過兩支洗面後, 有點後悔買得咁少~
木瓜磨砂洗面乳
清淡的木瓜香味, 有少少磨砂粉, 因為係潔面乳所以泡泡唔多~
用後唔乾緊, 比平時起泡產品好用!!
蜜桃保濕潔面乳
起泡後好似SOFINA果種超細密的感覺, 而且桃味好舒服!!
下次去要回購呢支!!!
佢買一送一我先入手, 下次去可能己經轉左包裝~
兩支TOTAL $25 平到痴左線
唇膏點解買三支咁多? 因為買二送一, 同埋佢係做慈善的~
平均一支$56
香港一支都百幾了!!
而且樣子超可愛~唔捨得用~~>V<
北極熊, 海豹同埋海豚!!
白色係潤唇膏, 無色~
PS: 韓國的唇膏都好實色同埋好SHARP~
請推一推支持下!!
http://amanho.blogspot.hk/
MAIL BOX :[email protected]
|
| 首爾遊樂行 ❤保養妝品篇❤ 第三擊❤Mizon❤ |
分類: 未分類 |
Mizon 呢個牌子係香港唔出名,不過台灣同韓國都有唔少地方有得賣！
主要出名係蝸牛面霜，台灣BLOGGER有好多試用文,大家可以search∼
Mizon - Non Stop Waterful Aqua Cream 50ml 持久補濕水份面霜 $39
十二月時係GMARKET買左兩樽,一樽送左比人！
一樽自己用完了,覺得又平又好用，所以係韓國屈臣市見到就回購返一盒！
以保濕為主,感覺似OLAY果隻但又帶少少油份，
韓國的水份面霜都係會潤的∼
有清新香味, 粉藍色好靚！
質地似gel, 好易推開！ 亦可以厚搽當mask用！
ULRRA REPAIR WONDER CREAM 300ml 極滋潤保濕霜 $80
可以叫做全效面霜,大大鑵！！大過支500ml紅水囉∼痴線＠
佢並不是我從韓國旅行抬返黎，係代購訂返黎, GMARKET有折再加埋運都係平左！
因為都係同品牌所以都講埋啦∼
韓國有用家用Ｋ家的保濕面霜同佢比併！
功效：美白滋潤、抗皺亮澤, 收毛孔
咁大樽只當面霜真係用你三年啦，佢係多功能保濕霜，全身可以用！
當面霜用的話少少就夠,太多會覺得好潤！
試過搽手腳，好用過body lotion!!
都可以溝保濕精華當面膜，洗面後幾有彈性同滋潤！
乾性皮膚或天氣干爆時用唔錯！
不過咁大樽好麻煩,所以我有分落Ｄ吉樽方便搽！
同系列仲有眼霜,都係多功能性的！
http://amanho.blogspot.hk/
找我嗎？？ Mail: [email protected]
|
| 首爾遊樂行 ❤保養妝品篇❤ 第二擊❤Skinfood❤ |
分類: 未分類 |
隔左幾日用,再分享下第二個牌子買左咩,都係得少少!!!
SKINFOOD係香港都有唔少分店, 水貨店都有好多貨,
所以去到首爾都只買左兩樣~~
SAMPLE無以前比得咁豪爽了,只比左兩包面霜仔~~
店內都無咩客,唔似之前個個香港人都必去的妝店了!
蜜桃控油蜜粉餅 $35
其實佢果盒控油蜜粉係最好用, 不過我己經有盒SOFINA,所以今次唔買了~~
要左方便補妝放手袋的蜜粉餅,價錢好平~
有淡淡蜜桃香味,搽上面好舒服, 夏天用岩晒! 因為佢控油真係好好!!
而且無色, 唔會搽完變白面人!!!
奶昔全效卸妝液 $48
佢係兩層要搖勻去先用~~
之後變成左粉藍色,好靚!!
買佢的原因係未用過, 好多人話好用,好多人話唔好用~好壞參半~
反正價錢唔貴就買黎試下啦!!!!
skinfood最吸收係佢地的香味, 呢隻有甜甜的奶味!!
粉藍色好靚!!!
佢的落妝力又如何~
用眼線,眉筆同眼線筆等~
先按住十秒左右~
都溶左少少~
之後再抹幾下就可以落妝!!
我試過落濃妝, 大約三塊棉左右, 基本防水妝物都落得到!!
感覺好清爽唔會痴苙苙!!但溶妝慢少少~~
平平地都值得一試!!!
首爾遊樂行 ❤保養妝品篇❤ 第一擊❤Lanige❤
http://www.theztyle.com/home.php?mod=space&uid=23641&do=blog&id=186219
推一推支持下啦！
http://amanho.blogspot.hk/
http://aman.theztyle.com
http://blog.she.com/aman
http://www.fnb.hk/blog/16516
http://amano123.mysinablog.com/
http://blogazine.beautyexchange.com.hk/?129948
http://blog.qooza.hk/AmanoHo
http://www.saladblog.com.hk/content.php?uid=378
http://www.ubeauty.com.hk/member_blog/amanho/
http://www.style-tips.com/amano/
找我嗎？？ Mail: [email protected]
|
| 首爾遊樂行 ❤保養妝品篇❤ 第一擊❤Lanige❤ |
分類: 未分類 |
上星期去左首爾六日五夜, 尋晚落機咋！！
睇左好多食左好多, 彩妝護膚品當然都買唔少∼
買左幾個牌子,一大堆好彩都無超磅！！
一個個牌子同大家分享∼請比少少時間我試下用再分享！
先來第一擊！！
Lanige香港都有好多門市，
我唔係用家,佢Ｄ野唔岩我用，我只幫妹妹買！！
首先去格下價, 基本上可以去屈臣市,專門店同埋ARITAUM, 佢地都齊貨Ｄ！！
其實價錢一樣, 行左幾間就發現問題..
間間店都同價, 不過贈品有分別，
屈臣市有機會百無或者有兩支5ml其他牌子的贈品，
專門店要買多支的set先抵，單買無折無set~BA 有機會送你幾包sample~
ARITAUM 間間店都唔同, 要小心比較！
網上借圖
我係仁寺洞ARITAUM 見到呢套！約港幣$266 (香港專門店$300)
見佢送三件大支的贈品，咁計係最抵啦！！
因為我要問下妹妹,諗住第二日去明洞時買啦∼
點知明洞,弘大,惠化的所有ARITAUM都無呢set...得單支！
無理由去返仁寺洞買呱..撘九個字車...
Last果兩日去梨大果邊, 見到ARITAUM又走入去啦∼睇下有無啦！
點知都係無呢set...
但BA詁有折仲有得退稅，計返都抵返！
見佢三月新出果支美白保濕精華都出左,妹又話要！
最後買左呢Ｄ∼
Water Bank 精華 38,000W(香港專門店$300)
美白保濕精華 40,000W(香港專門店$400)
扣埋折扣同退稅 只係$426.3
BA仲送左一套美白旅行妝同美白保濕精華五包!!
香港點可能平到咁！！
推一推支持下啦！
http://amanho.blogspot.hk/
http://aman.theztyle.com
http://blog.she.com/aman
找我嗎？？ Mail: [email protected]
|
2012 年 5 月 18 日 星期五  |
4X 無瑕瑩白精華 Bio-essence TANAKA WHITE  |
分類: 護膚分享 |
自從呢兩年轉工後, 日日坐係座地玻璃窗邊..
紫外線無限供應之下...出斑了!!!!!
我皮膚唔算話好白果隻, 但都係自然偏白..
好多人鐘意皮膚白...
但我自己唔太鐘意!!!白有太多的唔方便!!
尤其是..一出斑就一目了然, 即便好淡色都好突出!!
所以身邊人話我白,都會keep住用美白產品同防晒!!
今次的試用真心覺得好好用!!同大家分享下!!
Bio-essence 4X 無瑕瑩白精華 HK$229 / 30 ml
產品功效
抑制酪胺酸脢以阻斷黑色素路徑 ，有效防止黑斑或雀斑形成
為肌膚提供胺基酸及多種養分 ，能修膚肌膚 ，使膚色均勻煥白
有助保護肌膚免受紫外線的侵害 ，美白保濕肌膚，使肌膚冰涼清爽
促進後續護膚品的吸收 ，上妝更容易、更貼膚!!
成份:
樹皮精華 (Tanaka White) ™
萃取自緬甸獨有樹種THANAKHA塔娜卡樹皮，當中的天然美白因子有效阻隔紫外線對肌膚的侵害，淨白肌膚。Tanaka 樹皮精華更蘊含高效鎖水因子，為肌膚深層保濕，賦予肌膚透白清涼感。
傳明酸 (Tranexamic Acid)
高水溶性及高穩定性的美白成分，有“美白皇后”之稱，能迅速抑制體內酪氨酸酶及黑 色素細胞增生，強效截擊色斑或黑斑根源，防止色斑及黑斑形成，達至均勻亮白膚色 。
麴酸 (Kojic Acid)
源取葡萄醣發酵之成分，於黑色素形成過程中，與銅離子作蜇合，抑制酪氨酸脢的活性， 繼而達到美白淡斑的效果。
熊果酸 (Arbutin Acid)
|
| 2012 年 5 月 13 日 星期日 |
體驗白肌效果 Neutrogena美白防曬BB Cream  |
分類: 化妝分享 |
我偏好用BB CREAM,
因為我皮膚一係太油一係太乾,
而且BB cream 多功能, 超方便, 遮瑕力高
不過缺點係色號少, 厚身, 唔夠透明感!!
市面上好多唔同牌子都有出bb cream, 己經唔再係韓國護膚品的專利!!
今次試用到以防晒出的Neutrogena新出的美白防曬BB Cream
Neutrogena Fine Fairness BB Cream UV SPF19+ PA+++ 149.9 /30ml
全效美白、保濕、修飾、潤色、防護
通過皮膚科學測試 不含油脂，不阻塞毛孔
獨特亮肌礦物配方，可瞬間遮瑕，修飾膚色不均及黯沉，即時透出自然亮白的完美光感。加入全新升級活性美白精華Healthy White ComplexTM，內含穩型維他命C及百合花精華，能深入肌膚底層，修復受損細胞，加速黑色素的剝落，有效改善膚色。另更具SPF19及PA+++防曬 功效，加上無油配方，質地清爽透薄，輕輕一抹，便能為肌膚帶來零負擔自然裸妝。
包裝後都印左有效日期, 買前要睇清楚啊!!
泵裝設計, 佢唔係用吸管式, 係用壓縮式的, 可以用盡晒全部cream!!
真環保好多, 個人鐘意呢種設計!!
按一下的份量都可以搽滿全面!!
質地幾creamy, 但因為只有一個色號, 肉眼睇偏白!!有香味啊~
手背都白左好多
上左面的效果呢??
上左面後就發覺有點難推平勻!!
上左面後,真係太過白了!! 面同頸兩截色!!
試過十五分鐘後顏色都係未能同皮膚貼近!!
用後感:
如果全面搽真係會白過鬼呀!!
可以用作亮位打底, 有需要可以搽頸!!
遮瑕方面都一般, 可能我自己用開的遮得好d!!
皮膚偏乾的就唔太適合, 中性比岩用~~
不過我想知點解佢唔加入防晒專利配方Helioplex??
包裝無寫,其實有無??
http://aman.theztyle.com
http://blog.she.com/aman
http://www.fnb.hk/blog/16516
http://amano123.mysinablog.com/
http://blogazine.beautyexchange.com.hk/?129948
mailto:[email protected]
|
| 2012 年 5 月 9 日 星期三 |
OLAY MAN 男士夏天必須品  |
分類: 護膚分享 |
無論男人幾靚仔都好, 如果成面油或成面瘡瘡..
幾型仔都溝唔到女嘛~~haha
我一向係olay用家, 眼霜,洗面,防晒,日霜,美白乳液等等!!!
最近新出的男士系列真係賣行廣告!!
收到屈臣市送出的兩支OlayMan試用品~
由於我無男朋友啦,所以送左比妹妹的男朋友試用!!!
OLAY Men 卓越煥能男士系列醒能勁爽潔面乳
OLAY Men 醒能勁爽控油清爽凝
其實多數男仔都幾懶...我朋友個細佬, 只係用水洗面,咩都唔搽咩都唔搞..
明知成面瘡都唔理佢,要人迫佢搽野先做下野!!!唉!!
所以,男生要保養呀, 做好洗面係第一步!!
OLAY Men 卓越煥能男士系列醒能勁爽潔面乳
豐富潔面泡沫，能深入清潔，幫助去除臉部多餘油脂!
以及清新控油配方，幫助調控過剩油脂分泌，保持肌膚清爽
含礦物精華的配方，有助改善肌膚活力神采
適合中性至油性皮膚使用
每支產品都係密封包裝, 好衛生!! 買之前要睇下有無開過啊!!
吱出黎係銀灰色的!!!
加水再起泡, 潔面後再用清水洗面就得!!!
用起泡網會多d泡泡!!!haha~
用後感:
油性皮膚用呢隻洗面真係唔錯, 雖然用完有少少乾緊,
但洗得好乾淨, 而且keep住用出油無咁勁!!
OLAY Men 醒能勁爽控油清爽凝
含礦物精華配方，調理水油平衡，得以保持控油保濕!!
含維他命勁爽配方，即時潤澤肌膚，活爽以不油膩!!
清爽凝露質地，感覺輕鬆吸收，肌膚迅速醒活水潤!!
當然都有衛生的封密設計!!
發覺同我支total effect一樣設計!!
可以用盡成支!!!
質地似豬油膏, 冰藍色~
好易推開, 稍為按摩就完全吸收晒!!
用後感:
初時用覺得有點油油, 不過配合支洗面一齊用真係絕配!!
皮膚吸收後好清爽!!面油少左!!
兩支產品的效果唔錯,
大家就推介比身邊的男性朋友啦!!
喜歡就推一下啦!!
thx!!!
http://aman.theztyle.com
http://blog.she.com/aman
http://www.fnb.hk/blog/16516
http://amano123.mysinablog.com/
http://blogazine.beautyexchange.com.hk/?129948
mailto:[email protected] |
| 2012 年 5 月 1 日 星期二 |
| 將BURBERRY 放上面 Luminous Fluid Foundation |
分類: 未分類 |
BURBERRY 一個我永遠都唔會買得起的牌子!!!
佢的格仔紋標誌真係好靚!!
自己佢出左化妝品後,一直有點好奇!!
一個時裝品牌去滲入化妝品行列, 有點怪~
今次有機會試到佢的底妝, 好開心!!!
到底時裝名牌, 化妝品又有沒有名牌的水準??
BURBERRY Luminous Fluid Foundation
明亮乳狀粉底液 30ml $390
成份:
蘊含維他命 E 抗老及長效保濕配方。揉合柔光晶狀顆粒，帶給面部最佳光線反射效果。
功效:
質地如乳液般輕盈，能夠自然地遮蓋肌膚表面色斑、暗黃及膚色不平均等問題。高效保濕，既輕柔又貼服，輕鬆打造細緻明亮的底妝。
色調: 13種
適合中性或乾性皮膚
我選擇左自然色系 Trench No 4 
有趣的鎖定設計!!
打開盒子, 支粉底液包裝好靚!!
而且很有重量啊!! 名牌子的設計真係一絲不苟!!
原來只係個蓋重, 30ml又唔算好重喎!!haha~
個咀好細, 按一下的份量岩岩好!!!
至於實際用到上面又如何呢!!
先講明我的皮膚狀態::
混合性+敏感易泛紅 毛孔粗 T字位多面油
面額有雀斑
簡單d黎講. 我要遮瑕力同保濕控油好的底妝產品
色號唔可以偏白, 重點要自然色!!
平時化妝習慣用base, bb cream, 碎粉
因為工作時間都係室內, 所以只要面油紙同一兩次補碎粉就可以!!!
呢支BURBERRY粉底完全不達我的要求!!
why? why? why? why?
慢慢看!!!
質地好輕, 唔似一般含水份高的粉底液!!
好軟綿綿feel, 好易推開!!!
使用方法:
用濕海綿蘸上適量粉底液，從鼻翼兩側塗抹。也能作爲遮瑕使用，只需要使用小掃或指尖，以極少份量在瑕疵出輕輕點壓，融合原來膚色。
我用過幾種方法搽上面::
1. 先印幾點上面再用手推開
2. 用粉底掃
3. 用粉撲印上
4. 加入保濕精華混合使用
結果都係一個字: 乾!!
....手的乾紋都睇得出....
只適合皮膚靚靚的女生, 名牌果然真係for有質素的人!!
多紅印多豆印 雀斑果d..真係零遮瑕!!
朝早返工前上妝, 一個鐘後返到公司..食個早餐再照下鏡..
己經浮晒粉!!! 嘩!!夏天出汗時仲更明顯啊!!!
試下補碎粉, 都頂唔順, 去洗手間落左個妝, 用返bb cream!!
即使加左保濕精華都只係keep耐少少!!!
點解佢會話係for乾性皮膚用?? 是for冬天用?? for外國清爽天氣??
我用開bb cream都覺得佢乾喎!!!
而且唔太防水!! 印下汗都印走左一半!!!
可能真係唔太適合我用吧~~可惜啊!!
唔會話佢完全無效果, 佢的色號幾適合我, 唔會變左面頸兩截色!!
上妝後有自己光澤感, 雖然遮唔到好多瑕疵, 但睇上去面色係均勻左~~
多謝imore的試用機會!!!
後話::
用過好多牌子的粉底液..真係唔岩自己皮膚..
應該係我前世得罪過粉底液呱...
呢世只可以用bb cream!!
|
| 2012 年 4 月 26 日 星期四 |
| 先護後鎖新概念 Dove 兩步深層鎖護精華 |
分類: 未分類 |
七月要做姐妹, 由十二開始留長頭髮!!
對於我呢種長期keep住短款頭的要留長真係超難頂!!
重點係要好好保養頭髮,
我的頭髮長到某長度就會乾, 亦會斷/脫髮~
所以呢幾個月都好小心地護理!!!
新出的Dove 兩步深層鎖護精華,正是來的岩時候!!!
含「髮絲纖維修護」因子，深入滲透髮芯纖維，修護受損部分，為髮芯注入養分。Dove「修護鎖科技」， 在修護髮絲後瞬間鎖住修護養分於秀髮上，令秀髮順滑不易打結展現光采，用後無需清洗。
以 「先護後鎖」的嶄新護髮概念，從外而內的深入髮絲纖維，定位追蹤修護受損的髮芯部份，並鎖住修護養分於秀髮上，一星期用一次，秀髮便能持久柔軟順滑長達 7 天。
一盒有八支
原本以為一樣大小,原來係大細支差咁遠!!
即便用唔晒都可以封返個口,個設計幾好,
長短頭髮都岩用!!!
使用方法:::
先乾淨個頭先, 因為我每日都會搽gel, 所以會過兩次洗頭水, 再加hair mask!!
用dove呢 set可以pass左個hair mask
Step 1：修護
輕輕在髮絲按摩 3 分鐘，再以清水沖洗。
我會停留三分鐘, 之後再沖洗, 感覺似hair mask..
好似無咩分別!!
Step 2：鎖護
用法：塗於半乾的髮絲，然後即可如常造型。
仲以為係白色, 原來好以水咁, 有少少杰!!
我抹乾頭髮就搽上去!!!!
再吹吹去!!!
吹完之後...
好似同未用前無咩分別咁...點解會咁???
有點失望...
不過第二朝起身又發覺唔同喎!!
唔洗點梳, 好順滑, 又易左打理!!!
因為我每日都洗頭,
之後幾日都覺得頭髮好順滑, 可以三四日都唔洗用hair mask!!
呢支深層鎖護精華真係好好用!!!
一盒可以用好耐啊!!價錢都唔貴!!
大家值得一試!!!
另外dove的洗頭水同護髮素好好用!!
我一直都有用去游水,做gym~因為用完好香好滑!!
喜歡就推一下啦!!
thx!!!
http://aman.theztyle.com
http://blog.she.com/aman
http://www.fnb.hk/blog/16516
http://amano123.mysinablog.com/
http://blogazine.beautyexchange.com.hk/?129948
mailto:[email protected] |
| 2012 年 3 月 24 日 星期六 |
Home Secrets 草本瘦身系列...令我不見了甚麼??  |
分類: 減肥分享 |
收到呢個試用好開心!!
因為正為七月朋友結婚做姐妹而減肥中!!
水腫不見了 30粒
天然草本去水腫配方，激活身體排出多餘水份和體內的毒素有助於加強血液循環，從而修減腰肢和腿部。
獨特雙重功效：
能重新獲得輕盈的感覺，跟水桶腰象腳說再見 。另外，天然草本去水腫配方，激活身體排出多餘的水和體內的毒素。有助於加強血液流通，從而減細腰部和腿部，預防水腫。
成份
山梨糖醇、葡萄萃取、海茴香、蓮灰
維他命C：柑橘萃取
使用方法
1至3個月療程 於每天早餐時間，服用兩粒，請同時飲用一杯清水。
脂肪不見了 28粒裝 (14天)
Home Secrets脂肪不見了讓你24小時全天候消脂及擊退橙皮紋。本產品專為新陳代謝慢，缺乏運動之人士 、肥胖和脂肪比率過高之人士、較夜進食晚餐及晚餐份量較大者而設，是他們重拾輕盈體態的選擇。
穩定體重，不會反彈 。全面燃燒脂肪細胞的早晚配方， 根據脂肪細胞白天和夜晚不同的生理行為， 雙重功效，早晚燃燒多餘脂肪，擊退橙皮紋增加纖體功效
早晚配方根據脂肪細胞白天和夜晚不同的生理行為，針對性燃燒和消除脂肪，增加纖體功效
有效成份能減低脂肪吸收和儲存，加速消脂和血液循環，多角度減少體內脂肪，達至修身效果，有效打擊橙皮紋和收緊肌膚。
使用方法
早晚餐前各1次，每次服用1粒，並以大量清水送服 2個月為1個療程
日間配方: 14 粒, 夜間配方: 14 粒
成份
可可、馬黛和青咖啡令脂肪燃燒得更快
甲殼素能控制脂肪的吸收
香橙皮能增強新陳代謝，減慢血糖的吸收
山竹子能減低脂肪的吸收
葡萄皮能強化血管，加速微血管循環，維持組織健康，減低橙皮紋的形成
用後感::
其實我幾鐘意呢個包裝,因為減肥產品都係以樽裝的!
有時真係會唔記得左食!!
呢個產品係包裝上個得好好!!!
藥丸只要配合一大杯水就得, 方便,又唔洗沖唔洗配其他食用!!
而且以價錢黎講真係唔貴!!
成份方便都係天然的, 可以放心用!!
|
« | 1 | 2 | 3 | 4 | 5 | 6 | 7 |
|
