~校規~

我地己經唔係以前o既領南ka la

今日又係好晏先返到學校, 而且今日凍左好多. 電腦堂 - 又係做啲白痴野, 一個字, 悶~~普通話堂 - "東梅"又係喺到加分. 我冇理到佢, 訓教. 訓左一陣, 我聽到卡路士講"我地己經唔係以前o既領南ka la"{出自大笨象(主任)口中}. 之後我地成班o係到笑, 跟住勤爺又講埋一份, 笑到我肚痛(真ka). 我地就係o甘笑到落堂. 英文堂&數學堂 - 抄筆記. 中文堂 - 梁爸爸一入到課室就收左肥仔部手提, 跟住肥仔就發左癲咁, 狂喺到罵梁爸爸, 叫佢俾番部手提佢. 之後過左一陣, 梁爸爸太懾肥仔, 去揾幫拖, 揾左哥C拉. 嘩!!!哥C拉ar~~佢又用佢o既絕招, 噴火(應該得一招掛). 跟住全場靜哂, 真係變態. 之後梁爸爸又係o係到周圍叫人交呢樣嗰樣, 真煩. 過左一陣, 無lala有人打我. 開頭我以為我啲fd la, 點知......原來係林x杰. 之後我問林x杰係咪佢打俾我, 佢話唔係, 跟住佢指住甘x文, 話部手機喺甘x文到. 然後我望一望, V字斬望住我, 對住我喺到淫笑. 我就知原來係甘x文用林x杰部手機打俾我, 之後我又打番俾佢. 哈哈...佢今次俾人捉到la, 但係我.....就有一種唔知點講既feel. 就係原來部手機係林x杰ka! 唉~今次真係累左佢la. 但係佢又冇俾人收wo, 真開心.

下午返到學校時, 我地o個班好似開戰咁, 係到扔粉刷, 佢地扔到上堂. 歷史堂 - 派卷. 哈, 今次我合格, 而且比上次高成10倍, Yeah! 但係都係低過甘x文(有冇搞錯a, 次次佢都係高分過我). 真係......唉~~電腦堂 - 又係派卷. 我又合格la, 哈哈~~小息o個陣, 我攞左基佬個包包. 佢一見到我就即刻追住我, 我只好落去揾幫拖 - 佛爺. 我一見到佢, 就有如救星一樣, 但係次次見親佢都俾佢打, 唉~~今次又係一樣, 不過今次我攞左佢一支"黑白配"呵呵!!! 放學嗰陣, 我同棋兄做值日. 我地做到5點幾鐘(傻ka), 愉快的一日就完左~~~