都唔知話蚊寂寞定係悶過頭, 尋日無lala send 個信息俾我, 話要同我鬥呢樣嗰樣. 之後10點幾又打俾我同我講冇哂”利賓納”原味買, 都唔知佢係咪10點幾走左落super market買, 唉~~~~ 開始發覺佢有啲傻傻地添.

  今日係我呢年最早起身既一日, 因為尋晚失眠. 之後返左學校等肥仔個早餐, 跟住肥仔返左黎, 俾左所謂既”炒米”俾我. 頂!!! 超難食~~~ 淡而無味. 之後喺到溫地理. 英文堂, 卡邦喺我到攞左本中文書, 因為我冇2本ma. 跟住洪喺到話我, x佢, 乜都關佢事. 跟住我見到榮兄望過黎, 我又鬧埋佢一份. 死la, 今日太燥添. 上完英文堂之後, 我第一時間同榮兄say sorry, 但係佢好似仲嬲緊我咁, 算. 地理堂, 榮兄好似冇嬲我lu~ 仲問我識唔識添, 但係我就唔係好識. 唉~~~ 第一堂中文堂, 抄筆記, 超乖仔!!! 小息嗰時, 我仲喺到抄緊筆記, 點知抄錯哂, 頂!!! 之後交配羊同羅伯喺到玩, 玩玩下打到我, 我二話不說即刻罵佢交配羊.(冇計la, 鬼叫佢以前俾我同我啲fd恰咩.) 第二堂中文堂, 我抄抄下筆記, 又抄錯la~ 唔抄la~ 之後我攞左榮兄隻勁舞黎睇. 正當我準備睇既時候, kite攞個水樽扔我, 嗰時超火, 但係我係唔可以打女仔ka!!! 幾何堂, 喺到睇”彼岸島”, 超好睇.

  今日下就我去左我個fd屋企打機, 同佢地玩Winning, 差啲輸ar~~ 我依家玩winning真係廢左好多ar~~ 跟住4,5點左右返到my home. 8點幾要去食飯, 唔想去ar~~

  頂~~~ 我可能仲要讀多一年先可以轉校ar!!! 真係xx~~~