呢2日番學都係温習, 測驗. 小息就同蚊玩, 或者同何B & 泰妹傾計. 尋日中午同林中佢地去食飯, 詩都有去, 神奇. 原本係去金華到食, 點知金華冇開, 唯有去小熊貓la, 點知..... 冇位, 之後對面嗰間又係一樣, 只好去安記到食la. 食完之後就陪林中番學. 掉低何B, 泰妹, 寶寶同埋詩, ya~~~

    下午就去左閣樓, 之後先再去肥詩home. 去到閣樓, 又關左木門, 唉~~~ 又要踢門, 點知我同何B踢左幾次都唔得, 唯有揾我老豆, 叫佢叫伯父攞木門key. 當攞左木門key之後, 就開左木門, 發覺木門有d爛左, shit!!!

    之後我地去詩home. 塔車塔左超耐lor, 唉~~~ 去到之後, 我同林中就喺到打機, 何B就同泰妹就喺到談談情, 說說愛. 發發同詩就......我唔係好清楚. 跟住師姐都黎左, 發發就教佢同詩數, 發發佢教得真係好好ar!!! Then詩又整意粉俾我地食, 但係佢今次整嗰個唔係上次嗰隻茄汁肉醬意粉, 而係白汁意粉,(其實係忌廉湯加意粉再加2條腸, 詩既新嘗試) 雖然新嘗試係一件好事, 但係都唔駛喺咁多人嗰時整掛, 硬係要整番d拿手野ka la!!! 咁根住林中同我又係到話意粉太淡, 無味, 搞到詩喊, 唉~~~ sorry ar!!! 我地都唔想ka, 但係冇理由唔好食都硬係要話到好食ka ma, 啱唔啱先???

    之後何B同泰妹8點鐘左右就走lu~~~ 我同林中 & 發發就8點半走lu~~~ 原本我同林中叫發發等埋師姐先走, 但係師姐好似趕我地走咁, 咁我地就走lu~~~ 去到bus stop, 見到何B佢地, -口-" 佢地談情都唔駛談到咁掛??? 不過都好ga, 憎進感情ma, keke......... 之後我地去下一個bus stop, 費事阻住佢地談心la. 發發陪我地去到bus stop後, 佢就番home lu~~~ 我同林中等bus等左都幾耐下ka. 之後番到home已經9點半lu~~~

    番到home, 同蚊傾電話, 之後上msn, 師姐封左我, -口-" 神奇. 只係封我一個, 其他唔封, 你都真係幾pk下wo!!! 無lala封我, 為左呢d小小野, 封左我, 你好野.

    今日上午冇咩野發生. 中午嗰時, 發發同何B鬧交, 唉~~~ 為左尋日嗰件事. 之後下午番到學校, 喺到話何B, 跟住何B話詩都冇嬲佢, o~~~ 下午放學陪何B等泰妹. 之後去左m記........温習??? 之後我地3個去左7仔到揾佛爺, 佢請我食飯, happy.... 喺佢嗰到食到7點幾就番home lu~~~

    尋晚同肥詩傾左好多野, keke.............

    今日詩一早就叫我早d番, 幫佢買早餐, 唉~~~ 英文堂, 訓教. 中文堂, 抄譯文. 抄抄下, 嗰個胡耀東同埋嗰個張善蓮2條友係咁喺到講畢業聚餐d野, 小你地咩, 試都未考就喺到講畢業聚餐d野, 有病. 之後咪罵佢地lor, 最唔鐘意d人無lala講畢業d野ka!!! 好威咩, 食過畢業聚餐?? 你咪又係要重讀, 喺到講d唔係人講既野, 小..... 電腦堂, 差唔多成班人冇帶書, 之後仲要訓哂教, 得幾個人聽書. 嗰堂同肥勳玩, 跟住又同少進佢地吹水. 代數堂, 又係同肥勳玩. 歷史堂, 同人吹水.放學嗰時, 就同林中佢地行, 佢地又去金華食, 我就番home食, 做乖仔.

    下午番到學校, 喺到望嗰d工程, 好好睇. 音樂堂, 何學信又要影我, 好彩我身手敏捷, 避開哂. 但係後來我訓覺, 俾佢影左, oh my god!!!! 算. 小息嗰時, 係咁喺到諗點解喺嶺南, 只係得6,7個人信我, 其他人都唔信我, 頂!!! 美術堂, 仲係喺到諗嗰d野, 越諗越想喊, 之後喊左出黎. T-T 喊完之後去左toilet洗面. 番到課室之後, d人開始問咩事, 唉~~~ Then又再喊. 落堂嗰時, d女仔走埋黎叫唔好喊la, -口-" 咁多人安慰我, 神奇. 小息嗰時, 何B陪我, 好好人ar!!! 之後我地班d男仔都有出黎陪我, 好好ar!!! 督課堂, 温習. 放學嗰時, 奶譚又喺到話冇帶電腦書嗰d要留堂抄野, 頂!!! 嗰d都唔係人抄ka, 頂佢!!!

    抄完之後, 就同何B & 泰妹上左閣樓. 之後喺到傾計, 跟住我喺到打機, 何B同泰妹就喺到談談情, 說說愛, good!!! 我好似阻住佢地添, sorry, 阻住你地. 之後泰妹又同我講左d野, o~~~ 跟住佢話我以前超黑人憎, 依家好人左. Ya~~~ 仲話我係一個........ 秘密. 得我同何B同泰妹先知, keke..... 聽完嗰句之後, 我超開心ar!!! 之後7點幾就番home lu~~~

    番到home, 同詩傾電話, 之後珊同温芷茵&甘惠文都有關心我, 好野!!!

    點解你地唔信我??? 唔通真係要我唔講笑???

    今日早左番學校, 悶. 公民堂, 喺到抄note同做書法. 小息嗰時, 又同蚊&珊佢地玩. 英文堂, 訓教. 文法堂, 聽書. 電腦堂, 做d所謂既電腦功課. 超開心, 同佢坐. 之後中午泰妹冇跟何B食, 因為某d原因.... 之後陪林中佢地行, 佢地去左金華到食野.

    下午番學又見到林中佢地, good!!! 一齊行la!!! 番到學校, 泰妹又同我地申訴la, 原來佢冇食中午飯, -口-" 唉~~~ 物理堂, 又係訓教. 生物堂, 訓教. 督課堂, 同嘉域&棋兄又玩又傾計, 跟住喺到扔水樽, 之後又攞少進d相出黎玩, 超好玩!!!

    放學就同師姐&何B去詩屋企睇碟. 睇嗰套"不能說的秘密". 睇之前, 詩整左d意粉俾我地食. 講真句, 味道淡左d, 而且d吞拿魚影響左意粉個味, 唉~~~ 不過總括黎講, ok好味.( 何B同我一致認同, 真係幾good!!!) 嗰套野對我地d男仔黎講, 簡直就係悶..... 但係對d女仔黎講, 就會覺得好感人, 好感動. 肥詩佢好似喊左少少, 師姐就睇到成卷紙巾都俾佢用哂, keke........ 睇完之後, 師姐又做好人, 幫詩執碟洗碗, 簡直係超好人ar!!!! 跟住8點幾嗰時就番home lu~~~

    送左師姐回家後, 我就同何B去左洶門廣場間7仔到問請唔請人, 之後佢叫我地遞呢樣嗰樣, 煩!!! Then我地去左佛爺到吹水, 吹到9點幾就番home lu~~~

    尋日同佢講左la, good!!! 之後同左幾個人講, 得一個信, 唉~~~ 失望~~~ 點解你地個個都話我似玩玩下咁ka, 我係真心ka!!!

    Holloween有街街去, 太good了!!!

    今日早上冇咩事發生. 下午就去左閣樓. 原本得我, 何B, 泰妹同師姐4個温習. 但係當我上左閣樓, 何B黎左冇幾耐, 昆昆上左黎,   -口-" 星期日既稀客. 佢上黎原來係為左等發發, 陪佢去買衫, o~~~ 之後林中都黎左, 林中係後尾補上話要去閣樓既, then我地打左幾局winning, 我今日冇態ar, 頂!!! 成日都撞住, 之後仲要輸埋, 唉~~~

    之後師姐同泰妹都黎左, 我就同佢地一齊温習. 但係泰妹d野喺哂學校, 温唔到, so當我要抄番生物note嗰時, 佢話要幫我抄, 因為冇野好做. 太好了~~~ 有人幫我抄note. 跟住師姐叫我教數, 但係我呢排冇乜點聽書, so唔係好識, 要叫昆昆佢地教. Then昆昆可能因為唔記得初三d野, so唔識. 之後發發過黎幫拖, 好彩佢識咋, 仲教埋我添, 太good la!!! 識哂. 嗰段期間何B一講呢d野, 我地4個就喺到話佢, 搞到佢冇聲出, 超搞野!!!

    教完之後, 我地就玩come棉胎, 師姐冇玩到, 喺到温習, 超乖. 何B就望住我地玩, 林中就喺到打機. 昆昆同發發佢地2個玩come棉胎玩到shot 左, 哈哈...... 玩左一局之後, 我見師姐仲喺到好努力咁温習, 唉~~~ 捱下義氣, 陪下佢一齊温生物la!!! 原來生物好易温咋, 我温左6,7分鐘就已經識左2個習題la!!!

    温温下, 就同昆昆, 發發佢地玩. 跟住林中同何B買左野食番黎. 6點幾左右, 師姐佢地走lu~~~ 佢地一走, 何B又喺到嘈la!! 唉~~~ 我唯有開門叫師姐佢地等一陣, 跟住我地就叫何B送泰妹回家, 之後何B就出左去送泰妹回家. 冇耐, 昆昆又走埋. 得番我, 林中, 發發3個.

    我地又喺到玩winning, 我用10:4大勝左佢ar, good!!! 跟住何B7點幾8點就番左黎lu~~~ 之後8點3,4個字我就番home, 佢地3個就去左食飯睇野. 原本發發今日係同寶寶佢地睇戲ka, 但係因為某d事, so冇去到.

    今日冇去學剪髮, so冇新野教.

    10月10日閣樓有人用, 要揾其他地方温習先得, 唉~~~

    下午3點幾同林中去大會堂買飛, 嘩..... 超多人!!! 原本係昆昆佢地買ka, 點知..... 佢地嗰時仲未到, 唉~~~ 到我地嗰時, d位得番d垃圾位, 唉~~~ 照買. 8個人, 唔該. 買完之後去左 屈臣氏買野, 跟住同昆昆 & 何B佢地喺留下會合. Then昆昆要去補習, 而我地3條友就番上閣樓. 原本何B想去打街機ka, 但係林中要同人買野既關係, so番上閣樓. 喺閣樓到打機, 打到7點鐘左右就番home 食飯lu~~~ 做乖仔ma.

    食完之後大約8點5就返番上閣樓lu~~~ 去到閣樓, 得番何B同泰妹 & 師姐3條友, 林中佢地去左食飯, 掉下何B, hoho..... 之後林中同泉泉番黎, 佢地又買左M記俾何B la!!! 哈哈...... 跟住我地6條友就去天福揾埋撚禧同昆昆佢地去睇戲lu~~~但係一出到閣樓冇耐, 何B就話要去toilet, -口-" shot ka, 喺閣樓嗰時又唔去, 依家話要去M記嗰個toilet, 唉~~~ Then去完M記, 揾埋撚禧佢地之後, 就去大會堂lu~~

    一入到去, 揾到位之後, 師姐同泰妹佢地見到肥c, -口-" 神奇ar!!! 唔知賓仔係咪坐佢隔離呢??? 何B同我講左d野, 超搞野, 笑笑下,坐林中前面嗰個老野, 無lala對住我"吼", 頂佢!!! 超想罵佢. 之後睇戲嗰時, 嗰個老野以為自己帶住藍芽好型, 又唔知佢個藍芽識發光, 搞到我同林中成日都將d視線由大螢幕轉到去嗰個老野隻耳仔到, 頂!!! 跟住佢又左戴右戴, 煩到開. 好彩坐林中後面嗰個女仔話嗰個老野, good!!! 跟住喺到睇, 嗰套生化危機3都真係幾恐怖下wo..... 之後坐我同林中後面嗰2條友, 成場戲喺到做旁白, 仲要做埋中文對白添, 唉~~~ 搞到我地2個超無奈. 睇完之後, 等師姐佢地嗰時, 見到王力宏,(我班嗰個) 之後喺M記等泉泉嗰時, 又見到肥c, 之後林中一講"賓仔", 有條仔望埋黎, -口-" 唔通就係佢???

    跟住師姐同泰妹番home, 我地成班叫何B送人番home, 但係何B都唔知係咪怕醜, 好似唔想過去咁, 可能多人既關係掛. 跟住去到閣華嗰時, 師姐就自己番home lu~~~ 泰妹都係, then我地成班又叫佢去陪泰妹, 唉~~~ 都唔知係咪shot ka, 大好機會喺你面前, 你條友仔都唔珍惜, 跳樓la!!! 之後何B同泰妹有一段距離, 撚禧又用長矛la, good!!! 佢地終於可以好近la!!! Then我地5條友番上閣樓, 唔夠20分鐘, 何B敲門, -口-" 原本我地以為佢又縮沙, 原來佢係陪泰妹攞番個公仔ja, o~~~ 何B走左唔夠一分鐘, 林中又跟住走lu~~ 昆昆都一齊.  得番我同撚禧同泉泉, 算, 我地都番home. 嗰時都係11點幾12點左右咋, 超快散會.

    番到home, 同發發吹水.