星期日出發到肇慶，
第一日去左摘生果，
三個多小時車程後就去到肇肇慶，
第二景點鼎湖山，
開心的是有小天使的遊戲令到我好享受的，
景色都好靚，
不過有D唔開心係因為抛許願球入鼎的時候，
唔小心將係上海買的手鐲抛左入鼎，
但係個許願球都未入去，
大家好快都抛入左，
而我係最後一個，
但係大家都好支持我、鼓勵我，
我真係試左好多次，
最後我背住個鼎抛左一次，
就入左啦﹗
希望願望成真﹗
本來咁啱見到個工作人員上去清D許願球，
就叫佢幫我揾下隻鐲，
不過我都預左揾唔返，
最後佢都話見唔到，
最算真係見到都話見唔到啦﹗
希望隻手鐲犠牲得有價值啦﹗
返到酒店真係好開心，
對比起上海個程，
真係好唔同，
有別墅的風味，
二星級算是可以了﹗
第二日係最辛苦的一日，
但係最開心的一日，
朝早去到小小中心同班小朋友玩，
點知人數比預期中多左20幾人，
所以場面好亂地方好細，
無咪的情況下唯有大叫，
本來我唔係帶遊戲的，
但係最後都一齊帶，
帶少少感冒底加埋叫左一朝之後，
晏就開始出唔到聲啦﹗
講野走音，
開完會之後將我地的計劃重整，
晏就再返去小小中心教小朋友做手工、玩遊戲，
有左朝早的經驗，
大家明顯熟手左，
而我就因為失聲所以拿住部相機周圍影，
雖然失左聲，
但係我多左機會睇多好多野，
同埋可以留意各組員圑員的情況﹗
第三日去左一個影點參觀，
之後就去左家訪，
每一組分別探訪左三個家庭，
見到佢地的生活環境，
了解過佢地的家庭狀況，
真係覺得好慚愧﹗
"身在福中不知福"的我，
真係要多多學習，
我地最後留左係第三戶人家家中吃飯，
親身體驗農家生活，
真係獲益良多﹗
返到車上大家急忙講自己的經歷，
感受真係好多﹗
第四日只係去左兩個影點觀光，
之後就回程返澳，
兩個景點的途中，
我感覺到有好多人照顧我，
原因一係我失聲，
原因二係小天使的遊戲，
係回程的路上揭曉小天使的真面目，
原來一直有個美麗的誤會，
就係全圑人中有兩個人的名中有"珊"字，
但係無人知，
所以D人抽左紙打開見到珊字就好理所當然以為係我，
因為大家都叫我丫珊，
另一個珊大家都叫佢小龜，
呢個誤會令我個四日裏面一直有四個人守護我，
真係好幸福的﹗
之後大家就唱起友誼歌，
雖然我無聲唱，
但係我聽到大家唱真係好感動，
作為小工作人員的我都感到好安慰﹗
三晚我地都要開會，
所以傾到好夜，
但係我學到好多野，
跟住社工的生活係不一樣的﹗
今次扶貧之旅比起我想像中好得多，
因為每一詁去扶貧探訪都做唔到最CLOSE，
今次真係新身接觸佢地，
真係第一次，
同大家一樣，
只要有一次，
我一定會去﹗
| 
