今日返團契....講"為何上帝造我這麼醜?"
主持嘅導師就問大家："邊個覺得自己好醜樣嘅就舉手..."
令仔冇舉到...(佢認為自己樣衰的...)
我認為如果佢舉咗, 我同庭庭會打佢lor - -
其實我都少少想舉...但係全場都冇人舉- -

點解要講呢件小事呢....?

返完教會....丫媽要我去剪髮...(都好嘅....到到返學就可以長返啲^^)臨出門口同丫媽講...想買鞋...(指布鞋)
佢話："布嗰啲波鞋...?"
(其實我唔係想要波鞋)
我未答佢, 我就走了
(諗諗吓~可能係"布嗰啲波鞋"較適合我嘅腳形)

落到樓下...行到上去髮形屋...
見到間嘢只留下一個中年女性...
我面前(即髮屋旁) 有一班青年人(應該係信望愛堂嘅弟兄姐妹..)
p.s.信望愛堂係o係髮屋旁的....
我走過了髮屋....穿過那班青年人...推進後樓梯的門...
想等班人走咗先入髮形屋...
但係...
我在梯間停下腳步...諗清楚...
"唔通我一世都要避開人? 唔比人睇到我?"
不！ 我唔可以咁逃避！菸就菸啦！
唔可以怕比人睇到自己個樣就避開人！
最後明知班人應該未走都返返去,
走入髮形屋....

入到去, 坐下, 以手掩面

班人走咗...應該 (冇囇聲丫嘛)開始去思想....如何解決自己怕樣衰而避人嘅問題
諗到...我要改變！
我一直追趕嘅對像係羅康銚...
真想將自己變成佢...(個腦就唔好喇- -)
(e句串串哋~唔好意思- -)
改變需要金錢...
想買新鞋, 想買褲, 想買G.M.R.(呢個慢慢估...係咩嚟),
想去過第二間髮廊剪！(呢個難, 要過我丫媽嗰關....)
(我覺得丫媽第二最重要係錢囉- -)
眼望鏡中的自己...(睇唔清..冇眼鏡)
個髮型幾衰！
剪完~ 佢同我講話：今次同上次唔同...後面剪得散啲....
呢句....係神叫我唔好去第二度剪?
戴返眼鏡....ok的~
比錢...
第一次收膠幣...(比人fold過嘅?...)

去到樓下lift口...
我想o係下次見面(14號)有新形像...
有冇可能呢...咁多嘢買...(我諗褲就冇咩可能- -)
(GMR我想買就買ga啦~)
(鞋又....?)

入lift....今次...樓數跳得好快....