15/8晚連睇好多集sola
終於都睇囇13集
又係一套唔係用"萌"字就可以形容嘅作品....
o係講領悟啲之前就做個非常簡單嘅人物介紹先...

森宮依人

非常鐘意"天空"....成日上堂(高中)睇住個天...
連間房個天花板都係"天空"-0-

"現在"嘅依人係蒼乃靠夜禍(下面有解)嘅力量所造出嚟...
因為真嗁依人幾百年前就死咗。
"現在"嘅依人會有幾百年前嘅記憶,
但係佢唔知係乜。
因為係蒼乃造出嚟, 所以蒼乃同佢係有着一定嘅連繫
(eg. 蒼乃死, 依人就會死；蒼乃嘅情緒某程況可以影響到依人)

"現在"嘅依人係到最後先知到佢自己嘅身世

對茉莉誓言要比佢睇真正嘅天空
"應該"都係鐘意佢的 (佢冇講過)

四方茉莉

夜禍族
(長生不死
不能直接比太陽光照到, 會燒傷
會有異於常人嘅能力及特殊能力
能力各有不同)

"現在"第一次見依人嘅時候話依人係走嚟"搭訕"...
鐘意飲罐裝蕃茄湯 (不是罐頭- -)
蕃茄湯成為咗佢同"現在"依人嘅回憶
鐘意"現在"依人, 同以前依人嘅關係都好好

雖然到最後依人比唔到佢睇真嘅天空,
但係佢話試過好多次o係依人隻眼度睇過...(正~)

幾百年前就識依人同蒼乃...仲要係關係好好...
最後用自己嘅生命令蒼乃變返人類

森宮蒼乃

對於自己係夜禍, 以及"現在"依人身世嘅嘢隱瞞

係依人個家姐(睇唔出- -)
因為幾百年前依人死咗, 傷心過度所以自殺
茉莉為咗救佢, 就將佢變成夜禍...
因為當時搵唔到依人條屍...所以救依人唔到
一直痛恨茉莉....唔想佢痴埋去佢同依人嘅生活
因為佢覺得"現在"依人係佢嘅嘢....
蒼乃幾百年來的只想"同依人安寧咁生活"
就用紙造咗個依人出嚟...就係"現在"嘅依人 (紙紮依人-0-?)
以為咁就可以"同依人安寧咁生活"

最後變返人類....同"現在"身邊嘅人生活落去...
"現在"嘅人自從茉莉死後..就完全唔記得茉莉死前嘅事
所以蒼乃就有一個新生活喇~

我覺得套嘢有少少係可套返入信仰上
茉莉為咗要蒼乃接受"依人已死"嘅事實,
就同依人傾過, 佢會用自己嘅生命去令蒼乃變返夜禍
就係用把劍自插一嘢....之後插向蒼乃
蒼乃知道自己一失去夜禍嘅力量, "現在"依人就會消失...
咁就冇得"同依人安寧咁生活"...
但係"現在"依人講咗個好重要嘅pt.
『人生就係會有唔如意嘅事....』
如果茉莉係基督...
佢就係唔想蒼乃(我哋)沉迷o係非現實
成日用罪嘅力量去將不如意變得虛偽的如意....
我哋就係成日太迷戀啲虛嘢先會搞到"不想脫離"...
但, 最後蒼乃得來嘅新生活比以前更好...
仲萌咗好多- -

講返"現在"依人嗰筆....
我睇嘅時候好feel到佢嗰種慘....
茉莉無啦啦粒聲唔出就走咗...
屋企個姉さん又扮唔知...
一個唔要解釋..只求真相嘅無助青年...
最後由茉莉講囇所有嘢比佢知.
仲商議埋解決方法(解決蒼乃唔敢面對現實嘅問題)....
最後成功解決問題
我覺得我就好似依人咁無助...
呢邊知啲•嗰邊知啲....其實咩都唔知咁....
最後茉莉向依人坦白....結果就係成功解決問題
證明咗溝通要坦誠先可以解決問題...

另外我又似蒼乃咁....唔敢面對事實
亦都十分自私...只顧自己...冇理依人嘅感受
當佢面對咗嘅時候...佢就有更好嘅新生活喇~
剛剛打到呢度....衝擊咗我個腦諗嘢...
不如, 坦坦白白正正式式咁講一次啦~

睇完呢套嘢....
就明白點解呢套係一套要用心去感受嘅作品

我々の未来の道は消えてる。
この道は黒い，光はない。

もう，ない

其實一開始就冇我嘅份...
不如走啦~
唔走的話....會愈踩愈深的.

以前的一切都是謊話...
說一萬次也是假的.
毫無意義

只係記得二個係冇打的...

11/8

返青專團...

講開"主會同我哋同在樂園裡"

令仔就話"冒險樂園"

王永泰笑到咳- -
(好似得佢笑...我完全冇笑)

所以我就再下一成

"o係冒險樂園見到耶穌....."

令仔："見到耶穌玩波波池"

大家如果係習慣會將接收到嘅嘢變成影像....咁就會笑到死

12/8

崇拜後,

往卓爾廣場的路

講開ms chan呢種稱呼方式

因為我哋學校第一個ms chan就叫ms chan
第二個ms chan就叫ms chan chan

之後庭庭無啦啦話學校有10個ms chan會點- -
佢就一口氣講"ms chan chan chan chan chan chan chan chan chan chan"
我"咁聽嗰個係咪一聽到佢講第一個chan字就伸手出嚟數住佢講咗幾多個chan?"
庭庭係咪重複ms chan^10
我就一路勁笑一路行- -

以上

今朝8:50起身
刷牙....食野....10分鐘搞完
之後用昨日先買嘅MR gel頭....
搞都搞咗10-15分鐘...
分明就唔夠時間洗頭啦~

之後返學校(教會)
行行下比風吹塌咗個頭...(無奈)
之後要去廁所搞返  (又係廁所- -"?)
上去嘅時候...全部主日學都上6樓....
上主日學...講緊神同我哋...神用我哋時候就去啦~
同組仔比享咗話冇自信嘅地方係樣貌....
之後NG都係講返差唔多嘅嘢
為嘅係建立我, 造就我....
究竟佢講嘅係咪事實....我唔知
我只係知佢係出於好意...
究竟建立與謊話係咪朋友嚟ga呢?
之後落去崇拜....巧遇澤+ling~
好耐冇見...

崇拜係銘謙講道....
又搞爛gag了....(學返佢嘅先輩啲嘢)
可唔可以被稱作恩友堂嘅爛gag雙子?
不過如果冇爛gag嘅話....又點吸引住你聽丫~
佢今日係講真智慧, 庭庭就話"曾志偉"
我就即時o咗...
銘謙話真智慧係比人讚的....
我就好認同佢- -
自告憤勇比起比人邀請來得沒趣~

崇拜+主日學令仔都冇返...
崇拜就完嘅時候sd咗個sms比佢....
佢冇覆喎~ 打手機又係
"the number you have dialed can not be connected at the moment, please try again later"
因為約咗佢1點唱k的....
之後又係我最早到...(次次約人都係咁- -)
之後冼霆(約咗唱k的同學)打來...
gundam(另一同學)又未到..(應該係話唔知到唔到- -)
跟住冼霆到咗...佢話gundam...係未訓醒- -
上咗去....一路打機一路等令仔
之後諗到可能冇帶手機...
之後打去佢home~果然係冇帶手機- - (冇佢收-0-)
有理冇理攞咗房先...
去咗間細房......
冇電腦真可惜...(不過2個人冇理由比有電腦嘅房- -)
2個人好白痴牙~
唱咗冇耐~令仔打來....話唔去
跟住咪唱...唱...唱...唱...唱...
冼霆無啦啦除鞋....(反正我個鼻"文"唔到嘢的)
唱講不出聲好白痴- -
跟住又四仔~(首歌....唉)~
健美先生...幅圖....唉- -
唱到3點9
埋單埋咗勁貴- -
成個銀包冇囇紙..冇囇銀...得毫子  -唉-"

走人時...o係仁愛堂門口見到班青年人(初中掛~見佢唔係算高...)佢哋走去嬲住冼霆- -
我都唔知佢哋咩意圖...咪開遮走人- -
咁我未開到把遮就有個同我講話遮埋我 (我隻手都揸住把遮啦...)
之後o係30秒之內離開咗班人...冼霆話佢哋係傳福音,,,話我唔理佢哋咁衰- -
我就係唔知佢哋做緊乜...
行行又想返去同班人傾下計咁- -
但係都已經太遲...我已經行咗好遠...
就咁就返咗home

返去好無聊咁睇咗集sola....
同埋重睇撲殺天使ドクロちゃん睇咗成2集幾...笑死
見得閒咪sd比 someone睇....佢都死埋
之後我就好乖咁做數...
又做做吓走咗去跳涼宮舞....睇咗20分鐘到...又走返去做嘢
做起上嚟好快啫~有啲題目幾特別...似係朱sir級嘅
之後又繼續同someone msn....
傾到冇興就去沖涼...
沖完出嚟又有興...
究竟點先可以做到班內最具人氣嘅男生呢?
嗰個同學真係非同凡響(係咪呢, someone?)
之後走咗去睇"交響情人夢"...
套野個名聽過...有次好似係s-file講過...
都幾好睇...因為gag...個男主角幾令仔丫
(死喇- - 點解我會focus令仔ga...唔通我係BL的?)
睇咗1個鐘之久
睇完之後...搵返someone....佢話off
應該係有啲事吧....比人鬧麼?
有啲後悔去咗睇tv
搞到夜晚冇人講我msn
今日(13/8)再算啦

11/8冇mood打 

今日10半起咗...
呢個時間係昨晚計出嚟...
預咗今日要1點就會眼訓嘅時間
之後咪開電腦....成朝就係睇すもももももも(好耐冇睇)
之後庭庭話去唔到fes
結果因為丫媽不在...
所以我就食杯面...之後走lu~
等咗5分鐘碗婷....
冇走過車...佢一嚟就有車上- -

車上做數....因為係統計...所以唔駛帶部銀風(我部計數機名- -)車上都做咗好多
之後上到fes....打比carol...
佢話今日訓練冇咗....結果o係fes間書店hea咗一陣...
見到啲書好想買.....
結果決定去突破買....
跟住行行行...行錯路....又比啲風雨玩殘
終於搵突破, 不過佢關門中....進不得....唉- -
之後返去fes買....點知都關埋...(呢個預咗- -)
then等搭車走人
又買雞蛋仔食....
今次等咗一陣先食, 林囇
等車中途...
有一對男女用pth問我巴士路線...-0-
我初頭都明的...(佢有做手勢的)
但係我講唔到- -
結果比碗婷搞掂佢...

連等3架260x都滿...(等咗就半粒鐘- -)
就走去搭地鐵
地鐵都好多人等緊...
等咗4,5班到就上到
2分鐘一班....快過巴士好多-0-
啲香港人真係好禮讓...
叫住佢比乘客落車先...佢就死都要剷入去...
成架坦克車咁~
真係純品><"
等到冇mood就同someone sms...
唔知係咪因為網絡繁忙所以等勁耐先應
仲要係應ok, 得呢啲字- -
問佢係咪嬲又唔應- -
之後轉西鐵
then轉輕鐵...
輕鐵中someone打來...
有點算係驚喜~
then傾到返home...
返到去好攰~
無聊地睇ケロロ軍曹...
then睇shuffle兩集....正><"
(因為預知有H, 所以H部份飛咗)
之後唔記得了

今晚嘅節目就係打blog....

post出嚟係為咗滿足某人

昨晚同令仔傾到5點幾...
朝早又7點50起身....
訓得3個鐘都冇- -

搞到一起身...落死就企唔穩
個頭好重咁....亦有頭痛....(抵死麼- -)

昨晚傾嘅....有信仰啦...有bleach(動漫名)啦....有愛情啦.....有好多

起身....庭庭同jay叔執緊嘢....我都唔知咩事- -
原來係諗住早啲執完先去食早餐
我同令仔因遲起...所以庭庭同jay走咗...
我同令仔仲執緊....(佢部psp嘅實用價值已經同一舊擺設冇咩分別)
所以佢就收埋部嘢

早餐時間....今餐有：
神奇麥皮(神奇得表面像粥一樣)、火腿、黑招豬柳、生命面包
面包拎咗去烘~ 加埋塗牛油(神奇牛油)...我塗咗勁多...
加上飲咗2盒維他奶(多咗...)
早餐食完就靈修...

靈修繼續係伴你高飛-士師記...繼續睇基甸
睇嘅時候差啲訓咗/./..
差唔多唔知段經文有咩意思- -
聽咗大家啲分享先慢慢解到段嘢係講咩
神用一啲方法去證明你係得嘅！
神叫你就去放心做啦~

之後去執床單, 枕頭套...
因為我冇家務做...所以就比囇啲x單同yz套我- -

返返去眾會...
(順便把握時機叫NG幫我從張WING手上攞返隻iriya...(張wing搶咗隻iriya3日丫- -))
+希帶詩(佢升f.2咋><")...好大膽哦~
雖然係淨唱(一首)...冇啲咩嘢講咗...好似pray都冇
不過得咁少時間pre(個break得30分鐘, 唔知佢之前有冇pre)
同埋佢咁細個....帶得好好ga啦~

之後就要present返昨日plan個團契...人哋都幾好咁...係令仔嗰個好似冇乜興趣...
庭庭嗰組個名好有創意(又有jay風格, 聽咗個名都唔知係up乜的)
我一路聽佢哋present....一路諗到嘢可以加落去...(昨日個腦太實麼?)
耶穌變身學生....NG讚我哋以耶穌同學生第一身做講道好體貼(呢個係先輩idea)
好~基本上3組都好好...原來係會真係變成真實嘅團契....(如果真係跟足就正了)

跟住就傾今年團契嘅嘢...
有團名：團們
團訓：暫定彼前3:8
團歌：主裡常關注
仲決定埋上半年嘅每次團契主題
過程中好似一個考試小組討論咁...
但係我就o係張嘢度畫緊嘢...
我旁邊嘅s0king又講返同戴安琪一樣嘅說話...
我真係冇學過的
有一段小插曲...
要諗團名...之後就同令仔搞咗個淫gag...
團名係....H生活(唉- -)
如果H for holy...
插曲完了(唔駛講落去- -)
成個討論完咗....
之後就食飯...要拎囇所有嘢走...(好多嘢-0-)
終於要走了(卻還未完)

食飯時....有幾個mission比咗我返到屯門去學校完成的
食飯又冇餸好食....又食白飯了
食完飯, 我同令仔比NG同ms羅說教了幾分鐘...
沒錯, 佢哋嘅說話點醒咗我
落山...張wing無啦啦o係我身邊出現
叫住話要iriya...掛住隻iriya喎~
咪比咗部手機佢慢慢"睇"iriya
落山中途...同大體有講有笑...
去到巴士站...庭庭比返部嘢我
(之前係拜託佢落山拎住..佢話唔包bus stop喎- -)
庭庭....アイツ...
上車車....特登跟大體坐....
張wing用隻我個身做bg同iriya影相- -
呢個camp嘅回憶佢都估得算多了....
(無啦啦夜晚拉我出嚟講呀鼠啲嘢...我係傾訴對像麼- -)
轉車....o係轉車站...
張wing依然そばにいる....
仲搞我添....-w-
跟住就拎返部手機(之前提過比咗佢丫嘛)...(費事攞唔返- -)
上到車....大體唔知去咗邊...定唔知後面...
我, 令仔, 庭庭, ms羅慧x(gag來的...知道個gag講咩就笑啦- -), 安琪坐前面
我個問題竟然令唔係問佢嘅庭庭不安....
o係車度悶得滯....同someone sms...
講返廁所啲嘢- -
落車...  陳氏姐妹又用神速愛嚟行- -
爆快...-0-
經過仁愛堂(我聽日就去睇...)
因為要完成mission所以冇睇到

返到學校...剛入校門不久見到應該係升f.1生掛...
睇個樣好純品呢- -
我唔會好似令仔咁對住人直接表達感想嘅...
上到109...好攰....搞完1st同2nd mission
hea咗一陣先落返去完成3rd mission
美華問我：個camp好唔好玩...?
我(冇經大腦咁答咗句：嗯)...個camp根本唔係玩- -
走嘅時候....見到+希(佢等佢個哥ivan)
終於返home...
一出校門...someone終於應我...
個phone no.唔係佢手機喎 - -
我一路行返home, 一路打sms
之後無啦啦收到句："someone"走咗喇~"
我就好無奈...唔知係佢玩嘢定真係走咗...
咁打走咗喇嗰係邊個?
當時真係諗唔明- -

返到home...好攰....
someone未on搞到我冇嘢做...
之後睇sola第一集(好好睇的...op正爆)
睇睇吓因為太攰就訓咗....
一醒返發覺部pc比人關咗-0-
當時有啲嬲嬲地...呀媽話係丫爸關的
真係諗住"佢係咪白痴ga-0-?"
跟住就諗返...應該學習皮蛋嘅忍耐...
所以就開返當冇事....
之後睇埋嗰少少一集sola加上第二集...
當時呀妹訓咗(佢係唔可以訓的...一訓就會今晚佢唔駛訓- -)
搞到呀爸火火地- -
叫我死去沖涼- -
我就用寸寸地+悠然自得嘅眼神望佢一眼之後睇sola
(睇完我咪去沖囉, 你燥乜鬼- -)
下面食飯嗰啲唔講...
又試夜晚先嚟做數....
邊msn邊做數...
someone刷牙洗面時間比得上我呀妹咁耐- -
之後上床做後事...
then咪訓囉...

7/8

6/8成2點先訓....對於要7點9起身實在訓得太遲....
對於平時的日子~2點可是正常上床時間噢~
結果官方原定嘅7點30分起身...起到7點9先起到...

梳洗~8點食早餐
早餐啲通粉有紋的....又硬....
仲要有朕味~ 食咗一碗仔就唔想食...
啲"麥樂雞"(點解個個都叫佢做"麥樂雞"- -)一人一舊-0-
對面啲女仔冇胃口....益咗我....食咗2舊"麥樂雞"

靈修係睇士師記嘅基甸....
神真係好使用基甸, 也有忍耐
基甸多次試探神, 神都做比佢睇...
其實係基甸冇自信啫~
(咁又難怪, 依家佢去打扙喎- -, 仲要係強敵)
神搵到我哋...就梗有原因...
不要怕....主一定會o係我哋當中

NG又教書了...
講返同5/8主日學差唔多嘅嘢
正正因為冇溝通...所以昨晚查經先會進度緩慢
你同神要...溝通
你同人要...溝通
你同你要...??
一段比初信嘅經文提醒咗我...葡萄樹和枝子嘅比喻(約15:5)
其實我們的關係就如此親密....真的很甜
也認清了....神係一個咩神....
自己知就係知...但係有冇真當神係有呢咁多樣properties呢?
如果唔知呢個係咩神.....無敬拜可言

食lunch..唔記得食咗啲咩了
無啦啦變咗係我領詩....
食完就飛去同庭庭練了

我選咗2首...冇水飲好慘- -
NG教咗我排歌嘅技巧...
我主要係想回應一下頭先佢講嘅嘢...
想叫佢哋反思神係一個咩神...
神o係佢哋心中嘅絕對性有幾多...
結果NG講咗一句....我依家係帶緊敬拜
係帶領會眾去敬拜...而唔係去表達我嘅自身感想
更唔係去用反思嚟教書...
所以, 就用一個單純嘅心去帶啦~
搞搞吓就夠鐘...我一次都冇試過從頭run一次
少少驚...冇run過丫嘛~
去到場...唱錯咗少少...我太緊張喇~
講嘅嘢都係即場發揮ga咋...
好似NG咁講....用歌詞去做一個禱告...
差啲唔記得轉調...又冇同會眾講過會轉...個個都fake囇
今次帶得麻麻, ma∼ma∼(即係"算啦")
下次要預備好啲...

開始第二次帶查經了...今次係士師記11:1-11, 29-33
帶得明顯快過昨日...因為今次有+希, 安琪
兩個都係鐘意出聲的...
今次如果冇jay叔都唔知點...因為完全冇留意"燔祭"呢點...
因為有人問嘢....一時之間答唔到
所以今次就有覺得自己pre唔足
唉~我仲要一路帶..等緊有人答時o係度畫嘢....
呢個咩組長嚟ga~依家諗返真係好唔應該...
查咗1粒45分到...
休息10分鐘...到下一環節

名叫"甚麼人需要怎樣的團契?"
做做心理測驗先...
因為我冇當個測驗入面啲嘢係真...
所以買嘢嘅題目全部用虛榮感嚟選
(結果我係視覺型...有8票, 其次為4票理智型)
呀jay連搞死團契13式都寫埋出嚟...
(佢將fes同讀經會嘅嘢都有用o係呢個camp -3-)
原來有啲人都係覺得溫姑講道冇搞gag, 好悶-唔得~
其實海龍王都係冇gag搞的...
最後用分得嘅題目plan一次理想嘅團契
我哋用主洗腳嗰篇...
先輩啲idea好有諗頭...果然係優等生
結果完成咗個搞gag的團契...
嗰時我諗唔到嘢...個腦實咗
個團契要聽日present出嚟~
先輩聽朝就走了(放榜丫嘛)
佢話靠我喎~
(突發劇情：皮蛋の奇襲)

食飯...今餐係落去食的...
去咗個小小的商場...進入一家中型的飯店...給了我一碗大大的飯
啲餸得雞柳啱食...
今餐爛gag橫飛...
仲要無啦啦又講我啲嘢...
兩條友又乘機亂吹...唉~
食完就上去惠康買雪糕食...
個個都有買嘢咁喎~我買咗杯雪糕
3人(皮蛋+我+先輩)邊上返去邊食雪糕
落咗嚟就要上返去了...
上山時前面女仔見到有田雞同蝸牛
行勁慢玩生態觀察麼-0-?
不料, 有滴雪糕滴咗落件3, 唔知會唔會比人鬧..即時清理..唔係好覺啫
到依家丫媽都冇提過...感恩- -
上到山...有分享會...大家都好似冇預備紙巾喎~

有得送心意"紙"比人~
對於張wing嗰張分明就寫錯嘢啦~
啲少女們分享時又喊了~
呢樣嘢係一早已知的
我好慘, 庭庭有4個人送比佢, 我得3個...
令仔得1個-0-?
張wing咪好囉~神一定會使用你的
全日program完...
凪要過去, 嵐將來臨...

4個男性要走落去送皮蛋...傾開令仔同星期3啲嘢...
上返嚟食杯面(又要打歌詞?)
同jay叔, 令仔, 庭庭鋤咗幾局dee就走咗去做數了
因為sOking同安琪嚟咗丫嘛~咪比佢玩.,,
jay的賭債還有43局...
邊個肯去犢返佢?
上床pa住做數...做trigon嘅applic
做做吓....先輩入埋嚟呢間房...
一齊鋤....先輩喪笑爛gag,,,
安琪走咗上嚟....佢上咗令仔張床問我令仔部psp點玩...
我就成全咗佢....先輩話訓了~所以走咗
之後安琪玩部嘢(佢打緊嘅係bleach嘅格鬥)玩得好開心
(我自己之前都玩得好開心- -)
佢打唔win又走返上嚟叫我幫佢打...
我都就做完數了
嵐吹緊過嚟...時間一點一點的過去...
先輩話訓唔着(掛住啲playing cards?), 所以入返嚟鋤
無啦啦鋤鋤吓~對呀jay講：
呀jay, 見大家咁熟...我就同你講...(說着, 一邊拉開自己大脾比人睇)
嘩~好恐怖- -
熟就可以拉開條褲?
全場爆笑~
先輩真慘- -
打到嚟了！
要嚟始終都要嚟~
張wing同apple同+希大舉殺入我哋dee房....
我o係床上做緊數都比佢嚇親...
佢一搶就搶咗我件3...以3*10^8m/s嘅速度逃走...
佢咁快嘅?
之後就入返嚟....我問佢點先比返我...
佢又係招牌動作(令頭)
諗住比啲嘢佢交換啦~比咗啲畫咗嘢嘅查經notes佢...
比囇2張佢...佢又用3*10^8m/s跑返去...
又等咗陣先返嚟...手裡拿着的是我件3...佢比返我
好野...好開心好幸福- -
跟住就同佢哋(嗰3個女仔)聽咗陣計...一邊做數
dee區傳來一陣笑聲- -
原來係先輩出5,6,7,8,9,10
呀jay點打呀- -
根本冇人打到~
之後又話佢同人鬥單只, 佢用diamond3嚟鬥- -
先輩仲要係愈爛愈笑嗰種- -
庭庭走去沖涼...搞咗一陣先出到avalon(沖涼嘅絕對防禦)
唔出avalon, 出沙威龍or史泰龍- -?
講返我呢邊嘅一陣嵐...
張wing走咗出去...之後入返嚟...手中揸住一件3
第一眼望落去似係我嘅...點知望真啲真係- -
佢話佢一搶搶咗2件- -
我冇嘢可以同佢換喇...
所以惟有搶...
搶3搶到入廁所嘅馬筒格...(個廁所係指房內那個)
迫死咗佢...
個馬筒格好細, 費事搶搶吓 件3入咗馬筒
所以就一嘢合埋塊廁所板先...
廁所板同馬筒嘅撞擊聲引起出面起紛爭- -
之後就o係廁所格入面搶3,
搶極都搶唔到...佢話佢會放入胸口喎-0-
我都唔敢亂來- -
最後佢都係冇放...
廁所內一番惡鬥...都係讓比佢去廁所啦~
之後都夠鐘要散band了....
啲人走囇...得返佢...我話佢唔比返件3我, 我唔比佢走...
佢就好乖咁比返我....佢都玩夠了麼- -
一場風暴過去...又得回清靜
3點幾上床....同令仔傾到5點幾
就訓了