好多日未打過日記啦 之前個d得閒先打返啦
原本約左上個星期五去沙灘玩ga,點知個個都話個日唔得
咁就改左今日去
原本預左有成9個人去ga ma 點知個個都話唔得
finally今日得個五個人去(仲要有一個係遲到)
我地四個分2"批"人去買野
我同婉君去左街市買,歐諾同女人就去左supermarket 買
我買完野食有種俾人欺騙ge感覺
我地買得個一袋野要成二百蚊!!!!洗唔洗呀
買完我地四個就出發
去到得個四個人都唔知玩咩好 勁冇隠
我地玩左陣水槍就玩沙灘波
死人姚子康又捉唔實個波,又俾佢吹走wo
吹走都唔緊要啦,但佢又唔執wo,finally都係我去
我一路跑佢就一路走,吹到勁遠,好彩都執得返^^但我已經冇乜氣lu~~
玩玩下又唔知點解同兩個妹妹一齊玩,佢兩個真係勁得意
一個係維維,一個係寶寶,但係都li一刻我都係分唔清佢兩個
佢兩個無論係個樣,把聲都係一模一樣
玩到五點到,我地就執野
去到先發現我地唔見左包炭,即刻叫火柴買入來
諗住包住金菇菜先啦,點知佢地買左保鮮紙而唔係錫紙
好彩個度有得買
燒燒下佢開始落雨,我地仲諗緊租唔租個"頂"
finally都係租左,租左之後當然想佢落兩啦
點知佢真係落,仲越落越大,好似打風咁,我地個個都濕晒
咩mood都冇晒啦
我地燒到十點幾到就走lu~~
如果下次又係咁少人
都係去老闆個度,自助燒烤,都係$68位之ma
今日晒傷左呀,兩邊膊頭好痛呀
又玩到勁攰,聲又沙晒
返到屋企十二點幾,沖完涼就訓左,真係頂唔順
今次咁失敗,一定要搞多次
| 
