今朝約埋ming一齊出青衣練波
今次我地早到,冇遲到^^
今日練波都仲係打得咁差,仍需努力
其實腸胃炎仲咩好返晒,一路練波都有d肚痛,之後仲嘔種感覺好核突

練完就去左青衣城,又要諗食咩,好煩呀
finally去左KFC食
食完我,ming,teddy,家豪,澤 幾個係青衣城度hea,hea到咁上下就各自歸家

返到屋企執下野咁,抖左陣,約左ming今晚
5點幾個時奶打來,問我打唔打波,都ok ge但要早走law
原來紅場整緊,諗住叫佢地去粉場啦,以為冇人,點知d人多到乜咁
唔知係唔係耐冇落街場,打個時勁驚,個人呆晒我諗我都係唔落街場打啦

打完就趕返榮福,去阿蟹屋企,完本話開枱,我去到唔夠人,我地三個就睇碟,睇咒怨2
勁驚,仲睇到抽筋好痛,睇到一點就回家,一條友返去,真係有d驚
沖下涼,執下野搞搞下就搞到三點幾先訓

今日唔洗返學,但都係一早起身,去大埔抽血

入到抽血房開始有d淆底,去到佢叫我坐低,俾隻右手佢,姑娘消完毒就插支針入隻手度,我feel到有野頂住,但一d都唔痛,一分鐘都冇姑娘就話搞掂,佢仲搞左個    gag
好彩地我淨係抽一支,好少姐,阿媽就要抽四支,佢都話抽到第三四支個時,隻手feel到痺
其實抽完係仲驚law,唔知會唔會真係有事,有事ge話我唔飲得酒ga la

唔洗半個鐘就走
返到屋企我都諗緊訓唔訓好,但真係太攰,再加上又病緊,所以我決定訓返陣先
訓醒就食lunch,練左陣琴,三點幾落左去剪頭髮,月尾可能去電負離子

今日係P.5 Daycamp返到去好快就開始
好彩我地人多,我講左個故仔4,5次,如果唔係我諗一個人要講成十次

好開心呀,俾miss話我講英文好聽,話我有進步
又見返miss man,佢都有讚我^^

搞搞下唔知做咩頭痛,真係好唔舒服,但都要頂埋佢
我唔明點解上面咁多人,執野可以執得咁慢,唉~算啦,唔關我事ge唔理啦
搞掂晒就去食野,估唔到咁都有位^^食埋先走
"林"走俾miss張call左我地14/7返小學

返到屋企,食左粒藥,訓左陣咁,就去左大埔學琴
玩完就同miss一齊出左旺角打邊爐,佢地15/7去遊船河,想去但去唔到
食到十一點度走人,自己一個返屋企

十二點後唔可以食野飲水,因為聽朝要抽血,有d驚驚地tim