尋晚十點幾開始打, 打到今日十二點幾
我真係頂唔順啦

 尋晚打到咁上下就去左煎芋頭糕食
係我第一次冇人睇住ge情況下煎野食
好成功呀
打到6點幾我地就煮早餐食^^
個早餐由我同陳慧shan整
shan煮麵, 我負責整奄列 (好耐冇煮過lu~~)不過都仲係咁好味
食完就continue
打到十二點幾, 今日輸左四十幾好攰呀

打完就趕返屋企
因為老豆話今日會出去放題

點知.................
都係係屋企食
佢之前講到實牙實齒, 仲以為佢訂晒枱, 原來唔係ge~~>.<

今日係牛年ge年初二
同往年一樣, 返入沙頭角拜年
入沙頭角ge好處係, 成日會有d唔識ge人俾利是你

今日一返到入去, 佢地就開大小
初頭都唔想玩, 覺得大小好無聊, 都係打麻雀好玩d
但最終都係玩左 (因為真係太無聊啦~~)
嬴左少少咁啦

跟住去左班大人度睇佢地打
睇睇下就叫左阿媽俾我打
第一舖我完全唔知咩事, 一坐落去, 自己都係摸左幾次牌, 入過幾次章
突然之間, 姨媽就話自摸, 我呆左law, 出面十隻牌都唔知有冇
不過第二舖就我食,  5番呀, 即刻幫阿媽回返晒本^^

夜晚過左大陸食飯
食完就去左同表妹們去玩煙花
玩到咁上下就上左ming屋企打牌lu~~
唔知咁日會打到家幾點呢??多數都通頂ga la~~

新年快樂    恭喜發財

今日係年初一, 牛年ge第一日, 同大家拜個年先

今日冇返入沙頭角, 出左西貢個頭, 三伯爺屋企
等左li日好耐啦, 因為有得同佢個2隻狗玩

出發前去左探"麻麻"先
跟住再接埋老豆放工, then一齊出去

佢個2隻狗都係金毛女
係2姐妹來ga姐姐叫CoCo  妹妹叫bone bone
妹妹就乖d, 好靜 (唔知係咪俾姐姐恰得多呢)
同佢地玩左好耐^^
同佢地影左d相, post係facebook
唉~~ 如果有隻係自己ge就好啦

十點幾就返左屋企lu~~
唔知幾時先可以見到你地lu~~~