今日星期一...
但係係我既放假天...!

好耐無掂過個日記啦...
因為日日放工就走左去訓...
所以根本就冇咩時間可以打...
見今日得閒就打下啦...

2點到出金鐘...
因為要幫人整車牌...
連續3個星期一都出左去...
今日終於可以拎得啦...
順便就寄埋野..
終於搞掂晒所有野啦!

之後就番元朗搵呀媽...
去左食串皇...
跟住又走去食糖水(石磨坊)..
好似唔係咁好味...
D芋泥好似漿糊咁...
激死人啦..!

食完就周圍行...
去買野俾狗狗同貓貓..!
跟住又去食壽司...
(好似一日到黑都不停咁係到食野..)
但係係超級好味!!
最終食到個肚皮都脹晒...

番到home就拎係寵物店買既野幫貓貓沖涼...
係泡沫黎既...
不過就係唔洗沖水的...
都幾方便..
點知同肥蟲沖完之後佢竟然係呀媽張被都去大大...
仲整到成個patpat都係..!
真係激死我同呀媽..!

ps...好耐冇見過你地啦!
       幾時得閒出黎玩呀中6中7們?