唉…今朝我又流淚喇…
情況好差…我真係擔心伯爺會…
一諗返起…點解個個好人都咁多病…
唔好同我講「好心有好報」!!
係嘅話點解會搞成咁!!
依家有錢都冇用喇…

錢!!
為禍人類最深之物!!
令世上能稱得上人類嘅人不足十分之一
如果你天生就係讀書、搵錢，恭喜晒
你肯定唔可以稱得上係人
你只係一台機器，一台有生命、有肉體嘅機器
有錢又如何?可以過得開心咩?
有錢最多只可以得到物質上嘅開心，錢係買唔到精神上嘅開心
冇錢又如何?一樣可以過得開心
冇錢唔會死人架，你聽過有乞丐餓死未?
乞丐就係你班「為錢的機器」製造出黎
如果唔係你地咁重視錢，呢班人跟本唔駛做乞丐

記住，係人類製造社會，唔係社會製造人類
可惜你班人就係社會製造出黎，被社會所帶領
清醒下喇
人係生，社會係死架
你地到底係重視死物定人?

仲有，到底老闆係請人定請將紙返黎做野?
十年前嘅香港遍地黃金
依家?遍地垃圾
點解?皆因個個都為左張紙
我想知，到底係張紙重要，定係個人重要?

咪話我太理想
其實有人同我一樣諗法
我地都對呢個社會太厭倦、太失望喇
幾千年前，人類冇車、冇電腦，一樣可以生活到
依家?人類過份依賴機器
人類係一直退步緊，並唔係進步
唔好以為拎住部手提電腦、手提電話我就話你勁
我係睇人，並唔會睇你身上或身邊嘅事物
如果你係好，就算你著到成個乞丐咁，我都同你做朋友

最純正嘅人類自識得兩隻腳走開始，就慢慢消失