唉
皇馬出埋局
唔想睇喇…
心情低下中…

嚴重缺乏動力…
救我呀…~口~

我好怕…我好怕…
我唔想再失去任何人
尋晚諗起我都眼濕濕，好想喊
可能依家有人係我耳邊真心咁鼓勵下我我都會喊到收唔到聲~_~

越識得多朋友，就越感到自己好脆弱
或者我平時唔鍾意同人傾計，扮到咁cool，係因為我唔想俾人知道我脆弱
4年，最少呢4年間我連一句家人嘅鼓勵都聽唔到
我只係想你地係我耳邊講句鼓勵嘅說話，好過份咩?
真係想佢地睇我呢篇野，但講到出聲就冇意義…

之前同田雞傾計，我覺得就算佢唔鼓勵我，剩係同我傾下計都已經係一種鼓勵
我地成年先傾過o個一次27分鐘嘅電話，但之前冇見成年嘅時間就好似只有一日咁
佢令我知道世上真係會有「好兄弟」，我地兩個係「無聲勝有聲」
唔需要講咁多野，只需要知道我心情，咁就算剩係坐係我身邊，我都好開心
或者我依家就係欠缺一個可以坐係我身邊陪我嘅人
自命不怕孤獨嘅我都不得不低頭喇~_~
咩都唔駛問我，只需陪我
有人可以俾我攬下嗎?來個熱烈的擁抱吧
但我相信冇人會…

唉…又眼濕濕…
唔講喇…