我真係越黎越覺得…間pizza hut冇為我帶黎好運，只有衰運
今年新年，少左一日返大陸
雖然我本身唔鍾意返大陸，因為食唔好訓唔好!!
但起碼我可以買到自己想要d野
而今年，因為聽日要返工，所以今日早左返黎，搞到我趕唔切買最最最想要o個本書--《電子競技》
一年先得一次機會買，今年竟然買唔到!!
本書雖然只值$15，但對我黎講就如同一部高清電視般貴
因為本書令我初次窺探到原來「遊戲」並唔係我想像中咁簡單，而係一門學問，一門生意!!

經理仲成日叫我「返工就開心d喇」
我唔想開心咩?
我唔開心就係因為間公司，咁返到去仲點可以開心
見住佢日日都可以同女朋友一齊返工放工，但我呢?
想見一次面都困難
仲敢話「咁大家返工就自然難遷就喇」
我轉去同佢同一間公司連遷就都唔駛添喇!!

之前又因為趕住走，唔見左隻手套
聽日返去都搵唔到我就真係可以嬲到殺人，一直都衰運衰運衰運!!