岩岩睇完《一球成名》
所以黎講下先^^
即使唔鍾意足球，呢套戲都值得一睇
我初初都以為呢套戲係以球星作為賣點
但原來個故事係咁正
為左方便d唔多想睇內容嘅人…我將內容擺落d…^^"
有咩比得到原諒更令人感動?
仲要係一個努力養大自己嘅親人
想自己生活越黎越好嘅人
如果我屋企人都識鼓勵下我就好喇…
個個都剩係識得迫我做d我唔鍾意做嘅野…
但現實中又會有幾多個呢d家人…
今次小實個mv唔係咁正…
我唔鍾意個髮型…都係鍾意直髮多d^^"
但跳舞依然咁好睇
《一球成名》
套戲係講一個名叫聖迪亞哥(譯名可能有出入)嘅人
佢小時候由爸爸帶埋一齊偷渡去美國
之後一直住係洛杉磯
有一日，俾一個叫格靈嘅人發現佢有唔錯嘅球技
格蘭想將佢帶去紐卡素試腳，可惜聖迪亞哥個爸爸一直阻止
唔想聖迪亞哥成日諗埋呢d「白日夢」，更將聖迪亞哥原本儲黎飛去紐卡素試腳嘅錢拎左去買車做自己生意
聖迪亞哥好彩得到婆婆嘅幫助，係未通知爸爸嘅情況下就偷偷離開
經過格靈幫助，終於成功入去試腳
但一開始就表現令人失望，因為佢未試過係泥濘上踢波
之後係求情下，領隊再俾一個月時間佢
原本佢有機會上場，但出場前，佢原本需要吸o個d唔知咩野…(哮喘病人用，呢件事佢一直暪住球隊其他人)
結果上場時表現完全不濟，領隊更要佢離開
係佢坐的士正要離開時，的士召機收到緊急任務
去接佳文(紐卡素隊員)返球會，佳文問聖迪亞哥發生咩事
結果佳文陪同聖迪亞哥返去將事情一五一十講俾領隊聽
領隊再次俾機會佢
於是佢繼續留係度踢波
由於佢表現越黎越好，終於成功升到上一隊，同佳文等球員一齊踢波
之後更加獲得首次係聯賽上陣
後來佢得到爸爸心臟病發而死嘅消息
原本想離開球隊，返去幫手料理後事
但係機場幾經掙扎
最後決定留係度踢波
最後，紐卡素要同利物浦爭下季歐洲賽嘅門卷
聖迪亞哥獲得正選上陣
佢婆婆同弟弟亦係酒吧睇電視睇住佢比賽
紐卡素原本先由佳文入球領先1球
可惜之後被反超前
之後聖迪亞哥得到機會，一直盤球上前
當時領隊一直擔心佢又會掛住表現自己，自己上前攻門
好彩聖迪亞哥終於改善到，作出一個漂亮傳中
並令球隊追成2:2平手
係最後補時階段，由於紐卡素必需要勝出，所以努力進攻
成功得到一個罰球
佳文決定將呢球交俾聖迪亞哥處理
最後不負眾望，成功射入呢球
賽後，佢收到婆婆電話
原來佢婆婆聽到酒吧d人講，佢爸爸曾經係o個度睇過佢首次上陣，而且仲坐左好耐
佢終於知道原來爸爸已經原諒左佢…
聖迪亞哥一聲大叫…完…
係佢收到爸爸死訊一幕同埋睇到最後，當佢知道爸爸曾經睇過佢比賽
呢兩幕我睇到有d眼濕…想喊…
|