有時真係好迷惑!唔知自己個心諗緊咩。。。。。。嘿嘿
難怪人地話估唔到我諗緊咩啦！因為我連自己諗緊咩都唔知。。。。。。嘿嘿
原本我都想輕輕淡淡咁番屋企　可惜始終心中重係有一絲既牽掛
始終都係等到接近８點先番屋企　哈哈　事實上　我自己都幾悶嫁　有點兒浪費我既時間
自己被人排斥　始終都係女仔既練波嘛　所以我自己都冇咩點打　重出左好多汗

有時諗我自己Ｅ家既愛情觀係點？
留待畢業之後先尋找？定係　Ｅ家去追尋呢？　真係好煩
因為一張臉龐咁費我咁多思緒　的確　今日既我思考　咩都好　都有Ｄ混亂
早Ｄ休息啦！　令我思考好番Ｄ
總之　我真係唔想再為任何一個愛情而煩惱！
不過　明明剛才先呷完醋　嘿嘿　總之自己真係冇用

不二周助　市丸銀　真係一個好好既模仿對象
真係覺得自己生命好單純　永遠都只係為愛情而存活
嚐試肯生命中再加插更多既野　努力去追求其他
我相信　某一天愛情會默默咁自己追上左我
而唔再係我自己去追！
不二周助　市丸銀！！努力學習你地先得！哈哈

今日係家長日，嘿嘿，成績重味係自己符合既要求！我真係好想入大學！當係為左一個單純既勾手指！當係為左完左屋企人既心願都好！我都好想讀到大學！我唯有可以做既就係努力讀好Ｄ書！
但係其實，媽咪強逼我拎獎，我真係好唔開心！我對於獎項始終都會好抗拒！所以，我永遠都唔喜歡勝利後，之後再肯眾目睽睽之下接受獎狀。對於我黎講，係一種既不安！嘿嘿，不過老師係咁叫我，我真係好難做。。。。。但係我真係好唔想，一黎用既時間極大，二黎我唔想咁虛偽！
對於讀書上，我真係唔知點算好！屋企人比我既壓力真係好大！但係壓力大既唔係佢地要我讀書！佢地從來味強逼過我讀書！但係，佢地每次一吵架！我就會心情煩躁！之後，就好難集中精神！不過，真係好開心可以用網誌講番咁多既心聲！每一打一篇真係可以幫我舒解自己積左咁耐既壓力！
之後，番屋企既時候，同細佬一齊番，我更加感動既係，細佬開始問我點解唔開心！點解唔想拎獎！不過，我當時心情真係唔多好，睇黎我既老毛病－情緒化，真係要好好咁改善！如果唔係既話，無論我將來出去工作，交朋友都會好困難！同埋，令人討厭！

忘記左係邊個講過，世間最殘忍既就係人會成長。事實上，我自幼就從無知中長大，唔知幾時學懂左成熟，唔知幾時學懂左社會，慢慢我終於睇穿左人性既可怕，原來自己係生在肯一個咁既家庭，一個充滿住政治鬥爭既家庭！其實，我自己真係好辛苦！我同細佬永遠都係最後既支柱，永遠要我地去調和！但係有冇人有想像過我地既心情呢？自我六年級懂事開始，我就要處理好多好多既事情，要我去明辦是非對錯，所以先會做就左Ｅ家既我！係開心？定係唔開心？有時其實我自己都會混亂，我往往做事都會太感情用事，所以我一直永遠都做唔到一個出色既領導者！
有時我會同人分享，我自己既家庭事，但係其實佢地都會叫我用其他既方法，叫我去包容。雖然，佢地的確係有佢地既道理，但係，我反而想即卡喊出黎，因為佢地根本就唔明白我。。。。。。
佢地唔明白，一個身處鐵籠既fox係點樣生存，佢地唔明白，我曾經有幾多次既包容，幾多次既體諒，幾多次既啞忍，我亦都試過好多種既方法，武力？勸導？和解？但係，只怪我才窮，我真係解唔到佢地既結，我終於明白周星馳套戲講到：原來仇恨既力量係可以咁可怕！原來我既家人身邊都充滿住仇恨！
我自己本身都喜歡佛家，因為佢叫人放開懷抱，去到另外一個世界，有時我真係好響往嫁！但係我最後先發現原來自己重味看破所有野。冇錯，Ｅ個世界上，唯一值得我留戀既就只有我既妹妹同細佬，所以為左佢地我希望自己將來會有更高既成就！爸爸媽媽？講真，佢地真係有佢地可愛既一面，但係，佢地永遠都唔會學識去為人設想。。。。。例如就係為我地兩兄弟，所以我當然都想報答佢地，但係相比妹妹同細佬！佢地更值得我去為佢地付出！
政治既家庭中，佢地本身就已經會係鬥爭。我一早就知道解唔到Ｅ個殘局！應該係好難解決？點先會有完美既解決方法？其實，清官難審家庭案。。。。。回想起之前警察黎我屋企，因為我既麻麻報警，有時警察真係好是非不分！因為我地年輕，所以就係我地錯曬？有冇諗過我既麻麻講大話？最後我都唔會去解釋，反正講咩野，世間上既人都只會支持年紀老既野，當你係一個旁觀者，你第一個反應就一定話年輕既錯！但係我睇既就唔同，當你身處我既處境，你會發現世界原來好多野都唔係絕對。
我已經愈黎愈討厭Ｅ個家庭！我只係希望繼續追求我既夢想！另外，我真係好想多謝，一Ｄ重繼續睇，重繼續聽我講野既人，因為我實在太長氣！嘿嘿