上網睇到d 幾屈機,情侶間 ge對話,自己睇完都覺得十分無奈:

　『你做梗咩呀? 』
　『食梗飯囉。』
　『咁即係無掛住我喇? 』
　『有...... 有掛呀！』
　『問到先至識掛，算喇！』
　『...... 』
　
　　『你做梗咩呀? 』
　『一邊食飯一邊掛住你囉...... 』
　『又掛又食飯，咁即係一心二用、唔係好掛喇? 』
　『唔...... 唔係呀！』
　『你一路食住飯一路掛住我，即係想食左我算鬼數喇！』
　『...... 』

男：今晚妳想食乜野？
女：是旦啦！！你話事
男：食壽司好唔好？
女：天寒地凍仲食Ｄ凍冰冰野．．．
男：咁去打邊爐啦，天氣咁凍，打邊燼就最正
女：我前兩日先打過，成日打好熱氣．．．

男：咁去食泰國野或者韓國燒烤好唔好？？

女：都話左熱氣啦，仲要我食呢Ｄ野，你有冇心聽我講野架．．．
男：咁去POKKA好唔好？？ｏ個度Ｄ SET DINNER都幾好食（開始有Ｄ無奈）
女：POKKA好多人，唔想排隊
男：咁去"鋸排"好唔好？？
女：唔想食咁多肉，好肥架．．
男：冇人叫妳食晒件"排"，或者妳叫碟意粉又或者其他野都得架
女：咁咪即係叫我睇住你"鋸排"，我唔食你都唔準食．．．


男：咁食台灣野好唔好？（有Ｄ火）
女：台灣野好多油，好肥架（撒嬌狀）
男：咁去食粥啦（已經開始"發悔氣"）
女：天氣咁凍，食粥唔飽肚
男：麥記"定"家鄉雞．．．行啦（江良才盡"發悔氣"，明顯已經唔想諗）
女：都話熱氣落．．（委屈狀）
男：咁不如妳話事啦，我唔想諗啦．．．
女：我就係諗唔到食乜先叫你話事，你比Ｄ主見得唔得（發脾氣）

男：唔係話熱氣，就話肥，我真係諗唔到仲有乜可以食（爆發了）
女：咁係熱氣、係肥"呀嗎"．．我有講錯咩，自己諗唔到就亂發人脾氣（惡人先告狀)
男：咁去"味千"食拉麵好唔好（死狗狀）
女：唔．．都好，我要食咖哩拉麵／炸餃子

男：....................(又話熱氣?)
女：仲要食雪糕
男：....................(又話天寒地凍仲食Ｄ凍冰冰野．．． ?）