2006 年 9 月 8 日 星期五 
發病的．B4USKY說~
最近喉嚨都好痛...希望唔好野埋感冒好啦!
今日市場都好好市
仲以為星期五會好爛市呢...
一直以來係市場開工都好唔鐘意星期五!
放左工冇同阿志食野,上左街市買左盒飯就返KJ食
食完又係即刻掙取時間訓返一陣先
訓醒左又係開工既時間...
唉!究竟幾時先可以唔駛返三班丫
好多貨要包丫!好多數要計丫
好想叫佢加人工丫...
好想有得放星期六丫!
做死人咩!?
放左工又去左323玩左一舖DM
返到屋企又成班難民係到
阿晴,黃寶,陳炳,波波,4個上左來
夜少少波波就走左先
之後佢地開WINNING玩
我又好耐都冇玩過!就同佢地玩二打二啦
我地踢左3場~三場都好激丫-3-"
ROUND 1 法國(阿佳,阿晴) VS 法國(陳炳,黃寶)
法國(阿佳,阿晴) WIN 3:1
呢場第一場已經勁好笑!我地踢到開心...
由於我好耐冇玩過...第一場入得太少啦-3-呵呵!
ROUND 2 英格蘭(阿佳,陳炳) VS 英格蘭(阿晴,黃寶)
今場就比較悶D啦...1:1
都話左英格蘭係入一兩粒就收手既隊來架啦- -...
呢場我地又較到果場冇觀眾來睇...
個場靜到PK,得我地係到笑...XDD
ROUND 3 葡萄牙(阿佳,黃寶) VS 葡萄牙(阿晴,陳炳)
葡萄牙(阿佳,黃寶)2:2 加時3:2 WIN
唔知呢場係唔係最後一場呢
兩隊都踢得好落力
葡萄牙(阿佳,黃寶)先開記錄,係黃寶汁雞的- -...1:0
之後葡萄牙(阿晴,陳炳)用左一個好好既組織入返一球1:1
到左下半場係今日既高潮所在...
開波冇耐葡萄牙(阿晴,陳炳)再下一成...2:1
之後兩隊都係進入左拉鋸戰...
雖然葡萄牙(阿佳,黃寶)都係禁住對手來砌
不過每一球都係差少少...
但係係呢一個時候...黃寶撞低左對方既球員"費高"
"費高"即刻用擔架離場,可能太老啦...之後亦係葡萄牙(阿晴,陳炳)既噩夢開始了
係臨完場前!葡萄牙(阿佳,黃寶),又係靠汁雞神功...追成2:2
入加時了!"黃金入球
加時既上半場,由於兩隊既体力都開始不繼了,冇入球,可能想踢12碼啦
不過就係加時既下半場,真係出現左一個12碼啦!
葡萄牙(阿佳,黃寶)既球員被對方既球員係12碼區既邊線比勾跌
但係又唔似入左區犯規...不過睇睇畫面,球証指住12碼點...
葡萄牙(阿佳,黃寶)得到一個12碼...
最後...由黃寶親自操刀...亦都不負眾望
眾人叫佢射中間...佢真係射中間...GOAL!!!!!!!3:2 黃金入球!
END!
真係勁好玩丫!好耐都冇試過踢得咁激啦!
好期待齊8個人...一齊係禁區攻門會係點樣- -...!!
佢地走左之後我上左WOW玩左一陣
差唔多20LV啦
玩到10點幾到,勁累!訓嚕~
B4USKY~*:)P.SWINNING 以家出到幾多呢= =""
2006 年 9 月 7 日 星期四
GOLD的．B4USKY說~
唔好講咁多....睇圖啦!
13都冇咩點玩過...14公測了- -...
B4USKY~*:)P.S.Beatmania IIDX 14 GOLD
2006 年 9 月 6 日 星期三
踏入HAZARD境界的．B4USKY說~
呢幾日事頭婆都請左病假...
佢前幾日做野果時扭到條頸= =!
咁以家就係阿PAT姐頂住先
PAT姐要加油唷!
近排返工都冇咩點落雨
幾好!幾好!
不過遲下幾日都應該落架啦
落還落,不過唔好落咁大PLS......
放左工同阿志佢地食早餐
因為琴日開工有人放飛機
咁今朝阿志又分左果條友既人工比我地
好野!今日有免費早餐食...
唔知呢排係唔係早午晚三餐都好定時食
最近似肥左了...- -
食飽又返KJ啦
好多貨都已經出哂咁滯
終於都可以空閒一DD啦
不過變左D時間就好難過...
真係想返屋企訓覺- -...
今日都有幾張單好出
仲要係一次過出
係0係呢到忙左少少
D"大粒野"真係好麻鬼煩=.=
放左工就去左323打下DM聽下歌就算
因為V3都就來返貨啦
13號就會到步,到時又一大班難民係到掙住打了...
一坐低就係到諗...
以家1021分都停左好幾日啦
前日上下網又爬下相關果D討論區有人係到講
要加分!?試下玩HAZARD啦
HAZARD姐係係一整首歌入面...
唔可以出現兩個MISS
一到左第二個MISS,就會CUT歌!!>O<
WO!好刺激丫~
好!今日就係我打V2咁耐以來第一次玩HAZARD啦
第一首就試我成日都FULL COMBO既MOSTER TREE啦
較左HAZARD來玩真係好大壓力
好驚MISS!!@@
可能未慣呢種壓力啦
END首歌既時候,雖然係FULL左...但係得83 SKILL= =
嘩!變態的!好驚丫好驚丫!
但係第一個FEEL就係好刺激丫!
之後又試其他自己之前都有能力FULL到既歌玩HAZARD啦!
試下又試下...真係好好玩丫
可惜既係,GTEEN LIME過唔返...
今日都試左佢3次都CUT歌!
不過最有安慰既係,"美 麗 家 鄉"
係MISS左一個NOTES既底下過左
仲由之前既91%>>>96%丫!=[]="
勁開心丫!
係個結果畫面果到加左成2分個種感覺
真在太正啦-3-"
打完就返屋企啦!
返到去又有班難民係到
今日有人係到打家用DM,玩家係"陳炳"
咦!真係打得有版有眼喎...仲好勁丫~
睇到我都O哂!
佢地成班走哂之後我就上左一陣WOW
練左一陣就因為太眼訓...
訓嚕~
B4USKY~*:)P.S.HAZARD...勁正丫!
2006 年 9 月 5 日 星期二
難民大家樂的．B4USKY說~
開工唔落雨實在太好啦-3-"
又有D風吹下,都不知幾爽!
加上以家檔口都算係人手夠(算係= =...哈)
做起野上來都順左好多!
依舊!7點半就收到工
又去大快活食早餐
真係好鐘意果D個環境
加上岩岩收完工
D冷氣...嗯~~~~~~勁正丫!
真係坐多兩坐都可以訓著覺丫-3-"
食飽飽返KJ啦~
繼續努力繼續努力!!
今日又係由朝做到晚,好眼訓丫!
放左工又心思思去左練DM
但係"機舖阿叔"又係到咳咳咳!@[]@"
都係過左一舖手癮就收工啦=3="
返到屋企收到阿芹個電話
我就同埋細佬出去拎貨
順個便就食埋飯!
過左名都果邊收左貨就同細佬食飯
不過諗左好耐都唔知食咩好= =
到最後都係去大家樂食!
食野果時同細佬傾左好多野
有男男女女,打機,學業
阿勤愈大個,諗既野亦開始成熟左好多好多
作為佢哥哥,我以家都可以放心好多啦!
不過佢成日都有句說話擺係嘴邊~
"妳地D女仔可唔可以成熟少少姐!?"
哈哈~我都係咁話!
兩個食飽飽之後就返屋企一齊練功(WOW)
勁好笑!細佬隻地精真係勁攪野!
"法術還在準備中"."我的法力不多啦"
勁正!佢又跳來跳去,我地兩個都笑到收唔到
直至打到細佬要落ST後
我都OFFLINE啦!
去左訓覺嚕~
B4USKY~*:)P.S.好慶幸...有個咁識諗既細佬
P.S.多謝妳每一日既心意提示唷!我會小心架啦!
2006 年 9 月 4 日 星期一
出糧啦的．B4USKY說~
話咁快又9月4日啦
計下計下...細佬都就來16歲啦
入得機舖嚕~
新既一月又開始啦!要加油呢!!
今朝勁早返市場都係唔夠其他人早...
我兩點三到...已經齊哂人係到落貨...
噢!!
我諗聽朝都係早D到好D啦!人地出到聲話就唔好啦
今日又係勁多貨,呢排生意好左好多
記得以前係呢檔到做既時候
比隔離阿德哥...搶q哂我地呢邊d生意!
之後隔左冇耐又過左德哥到做...
一做就做左4年幾...
之後又返返呢一檔到做...哈哈
真係走唔甩架啦~
不過係返呢一檔到做呢...
係開心好多好多...幾辛苦都好...
放左工食完個早餐之後...又開開心心咁迎接第二份工!哈哈~
嗯~要聽事頭婆咁講,...要乖仔啦!
唔好"潛水"丫!!XDD
食飽飽早餐又返KJ啦,加上今日係PAT姐請我同阿志
爽爆X1000000丫!
返到公司見到一地都係貨...痴線!
之後我就講一句...我今日要清哂你地!!
跟住一做就做到4點...
再埋埋3日既數!
岩岩5點...攪掂哂!收工~
臨收工比人話我頭髮長= =...嗯
好!剪咪剪~
返返上水之後就去左323打左8蚊DM
機舖阿叔又係到,阿雄又係到
最衰既就係個"阿叔"係咁係到咳咳咳咳咳咳!!= =...DOOM
都係快D打完走人啦!
之後就上左去剪頭髮~
噢!又清爽哂,不過諗諗下又好似剪左冇耐- -...
都係算啦~
返到屋企上下網!睇下自己個日記~
好想轉下日記個LOOK丫!
諗諗佢先~
跟住上下MSN~
唔知係唔係好耐冇上呢
今日好熱鬧丫!好多人ADD我丫-3-:
好多謝你地
以家仲係到同人傾緊計!
今日到此為止啦~
B4USKY~*:)P.S.SMS既內容...好多謝妳(妳知我在多謝誰嗎?@_@?)
出糧啦!今月入手預定!
1.SAMSUNG 19寸MON
2.聖衣神話,終極阿瞬,金牛座,雙魚座
3.SABER!手辨一只
4.X-BOX360...嗯- -...都係遲下先了!!
哦呵呵~
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
