今日比李同學嘈~有d唔開心咁啦~不過唔係因為比人嘈而唔開心~只係因為比佢嘈而唔開心~
佢叫我去toilet傾計~我都知咩事~我預左~我知佢講既傾計係咩~一定唔會係單單傾計~
但係我真係唔想再嘈~所以我都跟佢落去~我預佢會打我~但係冇~真係好斯文~相對地~
點解我會因為比佢嘈而唔開心?我比佢嘈果陣~我諗左好多野~尤其諗到佢同我既關係~
真係有d想喊~我唔記得幾時我開始唔當佢係朋友~原因我亦都唔記得~但係~呢一刻我真係感到佢唔係我既朋友~
呢幾個月係唔想再同佢做朋友~唔想係曾經識過佢~但係事實上佢曾經算係我既朋友~
諗起f1時既佢~一個普通不過既朋友~到04年3月26號5點鍾~佢,仟,丸,我四個係公園道自稱四葉草~
果陣我諗我地算係一世既朋友~可惜事與願違~丸,佢都唔再係我既朋友~仟~我都唔知算唔算~
F3~一個自稱患上某絕症既佢~曾經令我喊過~果陣我諗佢係我既朋友~眼前係一段又一段既回憶~
眼前果個..正正係佢~係一個令我諗到一世朋友,一個令我喊過既人~但係,,關係唔同左~
前者~係我既朋友~眼前既佢~唔再係我既朋友~佢係咪我既朋友?乜我唔係唔想同佢做FD架咩?
我唔係想一世冇識過佢架咩?我都唔知我做咩~可能由3月26號開始~都只係我一廂情願當佢係朋友~
F2時我幫佢補MATHS~佢都唔係以朋友身份叫我幫佢~佢既一句"我同你唔熟"~就係我今日既致命傷~
諗左好多野~好多野..矛盾既感覺圍住我~一切果陣我都冇咩感覺~傷我既只係一個關係~
我多謝佢冇打過我~我竟然唔相信佢~我竟然以為佢會打我~估唔到佢真係咁斯文~
即使係相對地斯文~但係我都感激佢~果陣諗起一樣野.."朋友唔會係一世"~原來係真~
呢一刻~我好想喊出黎~欲哭無淚~今次係第二次~一次係為左某人~今次為關係~
一秒之差~miss kwan入黎清人~今次miss kwan算係救左我~令我清靜返黎~令我既思緒停返~
我終於喊左出黎~人人以為我係因為比人嘈而喊~其實~今次真係好傷~關係呢樣野真係好傷人~
之前3b班人掟我~我冇因為咁而唔開心~只係嬲~今次佢冇用野掟我~冇打我~
只用口講~miss lau講得好岩~最傷人既真係語言~不過要加埋個關係問題~先係最傷~
一個無關痛癢既人點打點鬧你~你唔會傷~最多係嬲~嬲唔係最傷人~跟住miss kwan同我落去1樓傾下計~
傾左陣~miss話佢地今次係衰左恐嚇~係刑事~我叫佢唔好講出黎~比個機會佢地~因為當中好多f2~
f2前途要緊呀...李同學..唔可以再衰喇..有兩個警司警戒~再黎一定死梗架喇..
我唔想見到d f2變成第二個我~唔想見到佢地f3時後悔~想讀書時~但身在3E~環境唔容許佢讀~
呢個感覺真係好難受~七分無奈~三分後悔~唉..跟住MISS KWAN話可以唔追究住~
但有第二次就一定搵佢地出黎~到時學校,警方,我亞哥果班~真係一定唔放過佢地~
胃痛落MI~見到欣~佢頭痛..傾左陣計~我又頭痛..好凍..佢仲話我好似發燒~咁我早退啦~
見到老豆~佢帶我去搵我媽咪~因為今日我拎獎~所以媽咪黎左學校~老豆佢地問我咩事~
隻眼紅晒~未試過咁耐D紅筋仲未退~我唔想令老豆擔心~所以唔講~希望各位都唔好講佢知~
我唔想佢擔心我~唔該你地~跟住姚SIR都見到~問我咩事~我都唔想佢擔心我~唔講~
姚SIR都冇追問落去~唯獨我媽咪追問左我一日...-3-"老豆同姚SIR知道我唔會講~追問都冇用~
幾好...^^"姚SIR同我媽咪講依家唔係搵真相既時間~等我心情OK返先~跟住過左唔夠十分鍾佢又問~
我終於頂唔順..發佢脾氣："冇事呀!我唔講你知就梗有我原因啦~你好煩呀~我講左好多次冇事喇~我係唔講你知~你點問我都唔會講架啦!"
果陣~我見到媽咪眼都紅晒~我知佢為左今次我拎獎好開心~但係一見到我~我面上既唔係笑臉~
而係一個似足死老豆既樣~佢好心痛~但係我仲咁話佢..對唔住..佢為左今次~搭的士黎學校~
為既係我~黎到令佢唔開心既~都係我~我知道今次我語氣真係重左~佢只係關心我~對唔住......
之後~我不停諗緊我同李同學既關係,,搭車~見到姚SIR~佢想去睇醫生~同佢一齊搭啦~
果陣我又諗緊..姚SIR都好唔舒服~但係佢都頂埋場禮先走~而我~我就咁走左去~
我好唔負責任~學校為我地預備左咁多野~採排果D...但係我就咁走左去~我真係好任性..
果個唔記得係邊個既人講得好岩~我係好任性..佢冇講錯我~返到屋企~好?~休息下...
好耐未試過咁靜既休息~訓下~係因為心情問題同病既問題~訓得唔錯..起身食飯~
過左陣~媽咪問我咩事~我終於肯講~由頭到尾~完完本本咁講~點知媽咪話要同警司傾一傾~
大佬呀..你應成我唔講出黎架!!我咪咁講囉!佢就話唔講囉..-3-"跟住原來亞哥返左黎~
佢又話要吹雞打佢地~咁煩架..你打人咁同佢地嘈我都差唔多姐..咪又係黑社會行為~
我梗係唔比啦!又話搵馬SIR傾計..頂!你成個飛型青年咁~馬SIR得閑同你顛?-3-"
咁之後啦~冇咩野了~佢地都話下次再黎先有行動~好彩啦,,唉..朋友真係唔係一世的..
諗諗下野..有D唔開心咁啦~不過今日我唔想同李同學唔做FD既決心大左~
算係因禍得福啦~^^"去左智者版道留左個關於今日既感覺既留言~
又諗到<<愛蓮說>>所講既道理~今日算係我人生重要既一堂~令我改變左D~
I LOVE MY LOVER*