純粹發下up風*
新一年..諗野唔同左..
新一年了..大個了*睇左"我既小輝輝"既日記[黃嘉琪果句"我既小憲憲"既改篇XD]
發現大個就真係做咩都要三思..唔可以再咁幼稚了*做咩都會對自己對人地負責任~
講野都唔可以再亂咁黎~因為童言先至無忌嘛*而且唔係下下都要報仇的..
即使人地有負於你都係~冤冤相報何事了呢?每一個人都係我地生命中既一粒微塵姐~
只係一個記憶中既一小片*咁執著做咩呢?執著只係令自己辛苦姐..到左死果日都乜都冇晒啦~
講真丫..05年既我..的確幾幼稚既..為左淡氣搞到同全班反晒面..只係為淡氣..因為唔据咁簡單~
諗清楚後~我都發覺其實我都有錯既~如果唔係因為我講得太多野~又點會發生呢d事呢?
香港雖然有言論自由~但係人類眼中始終係冇~人既心理咪又係咁樣..
幾多人真係會睇自己有錯架?錯既又幾多會認丫?自己既錯永遠都係背脊~自己既對永遠係心口~
只係見到人地錯~忠言始終逆耳~講中人地唔岩聽既說話~梗係反面啦..唉..
發現大人世界好假囉~為左討好人竟然做d自己都會唔鍾意既野~幾憎一個人都要扮fd~
表面朋友..見過啦我..但係我竟然睇唔出果隻神韻..不過我會努力咁學*
上年..即係沈日~我睇晒我05年既日記..真係好低b..為一樣野可以放棄所有~
信朋友就比人玩..當傻仔~人講咩就做..憎人都係憎得果一日~第二日又fd返..唔知為乜~
鍾意人就係咁顛..因為人地一句就喊就介手~人地講一句又開心返..人都顛~唔知為乜~
有人話做人就係咁唔知為乜架啦~為等死姐都係..其實呢句野真係冇錯~
做人既最後~咪又係死~幾長命既人都要死架啦~死左又有邊個會理你丫?
愛因思坦係有史以來最叻既人~佢依家死左~有邊個會覺得可惜呢?你會唔會丫?妳呢?您呢?
我地只係記得佢既貢獻囉~我唔知佢14歲果年既今月今日今時今分係做緊咩囉~
我只係記得佢發表左相對論對物理學作出極大貢獻囉~人真係好現實~
街邊有個乞兒死左~但係你唔會記得佢~愛因思坦死左你一定會記得~
因為乞兒對你冇貢獻~愛因思坦有~所以人只會記得愛因思坦而唔記得乞兒~
宇宙咁大~你只係咁細隻~即使你有肥姐既身型~陳文輝既高度~比起呢個宇宙~只係好細~
偉大既科學家好叻~但係出現於世上既人~一定有好多叻過佢地~
太細喇..一切都太細~宇宙都好細..天外有天~人外有人..一切都係迷你...
所以唔好睇到自己咁大~你係學校係霸王~so what?係學校得罪一個你以為白痴仔既kai子~
但可能佢既勢力比你大好多~只係佢唔想講出黎~真正叻既人~唔會認自己叻~
學海無崖嘛*咩野都係無盡~生命都係無盡~但係唔係唔會死~只係後繼有人~
我記得有個故仔..佢係話有一個林裹面~有樹,有竹~有日樹就同竹講："喂..你咁蠢既?"
咁竹就覺得好奇怪..就問佢："何出此言?"原來樹呢..就覺得佢高得咁快~
咪就死快d囉~樹冇咁快高~咁幾廿年後先比人砍囉~但係真正蠢既..唔係竹~
竹就話："我地雖然死~但係有好多竹制品代替我地繼續延續生命"
死又有咩咁可怕呢?精神長存咪得囉~每樣野都係架啦~生生息息..
地球滅亡咪又係有另一個~可能仲有另一個你~人生活都係為死~咁點解唔比等待過程開心..
又或者死而無憾呢?人一生始終要顛返下架啦~唔係犯法就得啦~
顛完之後諗返~你既記憶咪多左個笑話比你解下悶囉~
今日你可能鍾意左一個人~你唔講佢唔知~成世呃住呃住~你死果陣~你會忿氣咩?
你如果講左~即使佢話唔鍾意你~起碼你盡過力~但係唔成功姐~起碼你對得住自己~
為鍾意既人做好多好傻既野~人地睇會覺得好好笑~覺得你好傻~
咁又點姐~你無啦啦出世~出完世又等死又出世又...咪又係傻~點解唔比自己傻多次丫?
傻下駛死咩?人要咁樣先精彩架嘛*十年後你都唔記得架啦~記都係記得少少姐~
你咪又係記得..我曾經顛過~我冇晒到我既青春~我曾經有個一個愛情故事~
雖然唔成功~讀書你為咩丫?你依家記唔記得f1教過既<<岳飛之少年時代>>點樣背丫?
f1果陣咪又係背到隻狗咁~f3你咪又係唔記得~你十年後叫敖樹憲教返你中史丫笨~
拎科獎既佢都唔會記得啦..所以讀書係冇用既~因為你唔會記得你學過d咩~
學既咪就係道理囉~只有道理先會記得清楚~人地講既道理~你係好難記得~
自己諗清楚~就會有一套你既道理~人生之中唔會有對與錯~依家唔係考試~
人生錯左唔會留班~對與錯只係對唔對得住自己姐*對唔住自己咪係錯左囉~
岩同錯都算啦~岩又唔係大晒~錯又唔係衰晒~條氣唔順咪"eur"返出黎囉~
唔上唔落咪用物理學小小既密度呢個方法整隻d冤氣出黎囉~食多幾淡野~
d氣咪出黎囉~落左去咪放左佢囉XD最多我請你飲可樂"eur"返出黎囉~
人生存為咩呀?咪就係為死囉~咁死係為咩呀?呢個你自己先知喇*
| 
I LOVE MY LOVER*