第一篇..講MISS TANG~第二篇..講亞龜~第三篇..講白痴3B&RE你呀!~第四篇..今日大綱~
唉*今日MISS TANG又嬲喇..咁又係既..差唔多次次默書都冇咩人溫..
跟住佢就想當年啦*MISS TANG真係好好..佢身體咁樣~佢仲咁堅持教好我地~
講真丫~MISS既責任都係教書姐,.唔係負責收功課架啵~我地成績衰晒~
都唔關佢事~我地衰佢又唔會減人工~我地好佢又冇著數~
佢無必要做到咁~佢大可以話之我地死~又或者為左自己先囉~
但係佢冇~佢真係當我地係親生仔女一樣..甚至比我地親生父母更偉大~
我冇誇張~幾多老師真係聞雞起舞咁..三點幾起身改簿丫?祖迪聞雞起舞都係5點起身~
但係佢仲要比祖迪早起..而且為既唔係自己~而係為我地~
佢病到咁樣~仲日日為左我地d簿~搞到休息時間都冇~親生父母病到咁~
都唔會3點幾仲理你既野啦~都唔會為你放棄全部休息時間啦~
MISS TANG真係冇比任何藉口自己懶~細個有腦膜炎~仲可以咁比心機讀書~
依家我地健健康康~但係我地有好多藉口黎懶..有時一句好攰就唔讀書~
當佢睇緊醫生時~我地就睇緊電視~佢改簿時~我地就打緊機~玩緊~
放假果陣..佢忙到分不開交~我地都係遊遊閑咁玩緊..
但係到左返學果日~做齊晒野既~竟然唔係我地~而係MISS~
諗返起..我地真係好對MISS唔住..為我地盡心盡力~但係我地將佢既心血化為烏有~
MISS今日話得我地岩..佢對得住天地良心~佢盡忠職守~
若果學校冇左MISS TANG~真係可能會陷入絕境..身兼數職既佢..真係好重要~
佢身為人地既老婆~人地既女~人地既MAMMY~會考班既主要科MISS~
學校各重要學會既負責老師~學生會班會既負責人~樣樣都係負責人~
但係佢樣樣好..我唔知佢屋企係點啦~最起碼學校既野佢都做得妥妥當當~
人地成日話皇帝治國難~其實平民齊家一樣難~
佢可以維繫佢既婚姻~可以教得仔女好乖..(佢D仔女係我亞哥同我D FD既同學..所以我知)
但係我地既職責只係做好自己學生本份~可惜我地有幾多個可以真真正正做得好?
小龜今日LUNCH同我講返3B班人~佢講得幾岩既..
我呢一年~真係真對足佢地一年囉~十二月都未開頭~
我同佢地既關係就搞成咁..呢一年應該點過?
但係我唔覺我有錯~佢地話我串~但我根本冇串~
如果我成個啞仔咁唔講野都叫串~
咁即係你地感覺上既問題啦~呢個唔係我既錯~
話我做漢奸唔岩~呢個唔係全部係我既錯~
我認呢個係我過份左~但係你地都有錯~
你地唔應該針對我~你地唔針對我~
我就唔會做二五仔~
佢話："3B根本係蔡彤暉鄭萃明玩晒架啦~
你仲要得罪晒佢地兩個~咁樣你就衰晒啦~"
咁即係惡就大晒啦?漠視校規咁話啦!
而且我得罪蔡彤暉係佢話我串~
我只係同佢ICQ講左一句："點?"佢就話我串~
一個"點"字就比人話我串~咁我唔駛講野啦~
我好禮貌又比你串~唔好禮貌又比你串~
咁你想我點呀?我講咩你都唔岩聽~
唉..跟住老豆見到我係MI~佢就問我咩事~
我話胃痛~佢就知我唔開心..因為我病唔會同佢講~
我唔記得左我呢個習慣..佢就比晒包紙巾我~
問我咩事~跟住文就同佢講我今日比人掟囉~
老豆比左D方法我..唉..始終老豆最好~
次次我最唔開心既時候~都係佢黎幫我~
上年我地四個都衰同一單野~佢地有2個大過~
我只係得一個大過..我唔開心次次都係佢安慰我..
我唔聽亞龜講喇..我唔叫亞哥吹雞喇~
我聽老豆講...><
白痴3B*乜你地咁唔知醜既?知唔知依家現代有文化既人唔會掟人架?
今時今日真係除左D冇文化既人會咁~邊有人咁白痴架?
掟人喎...文明D啦~以前D生番野人先掟野表示自己咋~
我真係未見過D正常人會咁囉~忍得耐就要掟野?仲要好似好型咁~
咁咪即係同我講你地係KAI既係低B既?
人類進步喇~腦部都進步架喇~仲掟野~係咪傻架?
好好地現代人仲要扮野人係道掟野...呢D咪叫冇腦囉~
掟野咁都比你地個豬腦諗到..好野!果然係世間少有既現代野人!
唔好怪我孤陋寡聞~我真係未見過野人~估唔到我有幸同野人一齊上一年堂~
咁既機會真係唔係成日有~等我見識下石器時代d人點生活先..
呀..仲有仲有..唔記得左同你講..係呀..係你呀!
乜冇人同你講3a有人問過我3b壁報點整咩?唔稀罕牙呢d叫?
你係咪應該查下字典"稀罕"係點解呢?定係你太自以為是呢?
今日主要既事都講晒野係上面~除左今日小息有人同我講英文堂班野人掟我~
跟住文知道左就仆去搵馬sir..我捉住佢..廢事馬sir又煩住我..
頂丫..我亞媽又無啦啦仆出黎~白痴架文..見到訓導又仆去~
諗住同我亞媽講~點知miss tang又黎埋..佢又同miss tang講..
miss tang又搵miss jam報定案..月黎月多人知..-0-"
咁樣就渾渾噩噩又一day..打鍾各自飛~閃~跟住返老母道計數..
跟住維仔同東仔個細佬一早黎到..不過今日冇心情打交~
今日計數唔知做咩..計長方形我竟然用平衡四邊形對邊..
錯晒..計周界又發顛用畢氏定理搵d線既長度..
唔記得可以同菱形性質計..唉..唔開心又黎影響我喇~
收工..閃返屋企..同大佬憲,家姐msn~
好彩有大佬憲..如果唔係同佢講..我分分鍾自閉..
信得過既都係得老豆,文同佢~傾左好耐..開心左d啦..
我老母見我今日唔講野..佢又發顛打比文~
文又爆晒今日d野比佢知..白痴~又打比馬sir..
咩都同晒馬sir講~
I LOVE MY LOVER*