今日我係針家姐個板畫左我地既李琳明出黎呀~
雖則我就冇乜藝術細胞~畫得樣衰衰咁~但都應該睇得出係llmc黎既~
冇計...我愛llmc ma~無啦啦發顛畫~好夜喇果陣~一點幾先畫好~
畫成粒幾鐘呀~畫到眼到痛...
李琳明呢一間學校一定係我回憶中最深刻既地方~
係呢道識到我既朋友仔~同埋我最信既人~
呢道好多對我既期望~好多我製造既失望~呢有我既成功同失敗~
開心同唔開心~努力同放棄~笑同喊...呢道就好似我既屋企一樣~
d老師就好似我既父母咁~雖然我好曳~交白卷~未交過功課~犯校規...
但係老師都唔放棄我~狒狒功課我唔交~但係佢仲好比心機教我~
miss mak成日都要比缺點紙我~我知佢對我大期望~但係佢冇講出黎~
現時只希望我乖返~唔比太大壓力我~但係我依然死性不改....
跑車佢知我特登放棄自己~但係佢都係冇放棄過我~
佢都係覺得我係有得救~成日都鼓勵我~但係我仲係未交過功課比佢...
太多老師既期望...我就一一將佢地既期望變成失望...
而最重要既...就係我既陳氏父親..佢對我既期望係冇人夠佢大~
佢知道我自從果件事一直欠野~一直都係冇比心機讀書~成績退步~
只係佢一直唔出聲姐..希望我自己會改~但係佢既唔出聲~
帶黎既就係佢既擔心~因為我冇改到~仲不斷咁差落去...
唔只係成績同功課~身體問題都係~全部都好差...冇樣好~
好多野~都係小事~因為有一次...顯得所有野~都太渺小~
果件事..就係偷書事件~本身..佢係唔駛理呢件事~一d都唔關事~
但係因為我..佢要用好多時間黎錄口供~因為佢想保我...
我記得果次上差館...我好驚..上到警車既感覺唔知點..
果陣我只係諗起一樣野..唔係媽咪~而係老豆..好驚..剩係識得喊~
就係果陣~老豆出現喇~佢係警車出面~好緊張好緊張咁...望住我..
當我一見到佢~我咩野驚都冇~亦冇喊~覺得好安全~
我果一刻亦控制唔到自己~嗌左一聲：老豆_________*
佢對我既擔心.緊張我感覺得好清楚~見到佢~竟然比見到媽咪更開心~
我有事果陣~係佢陪住我過~最曳既時候都係~
係我放棄一切既時候~都係佢陪住我~佢每一日都搵我傾計~
所以係我眼中..最重要既地方係李琳明~
最重要最信任最重視既係老豆~影響我最大既都係佢~
因為我填錯揀學校張野~誤打誤撞入左李琳明~係f1既9月3號既第一堂~
識左呢個爆炸亞爸~所以我好鍾意李琳明~鍾意返學呀~
llmｃ~我只係入左黎兩年~但係係道既回憶就比廿年既回憶大~
係道經歷既野~有好多好多~好多野都係邊道都搵唔到~
成功同失敗~開心同唔開心~努力同放棄~笑同喊....一切一切~都係~
就算到左一百年後~相信我都會記得山景邨既一間叫李琳明既中學~
| 
I LOVE MY LOVER*