超級爆開心呀今日~我做左陳綺綾 1年喇~
契左老豆一年~同老豆經歷既野有好多~但係第一件當然係呢一刻啦~
我呢一生人~最記得既就係呢一刻~
呢一刻咪就係二零零四年三月二十二號ｄaｙ４星期一十二點四十四分二十二秒囉~
就係呢一刻令到我覺得我唔係孤兒仔~
我好開心我有人錫~有人理~有返個亞爸~
今日我只係唱左首世上只有同單車比佢咋~
一年裹面佢為我做咁多野~只係換黎兩首歌~同埋一聲多謝~
呢一日我唔想咁快過左~咁有紀念性既日子~真係好少~
我記得佢以前好錫我~依家都係~我有事~佢會陪住我過~幫我~教我點做~
佢睇住我慢慢大個~慢慢學乖...亦睇住我壞~
我乖果陣佢會支持我~我壞既時候佢會教我~
其實我唔想激你架~我係唔想你唔開心架~sorry呀...
我知我一次一次咁令到你有希望~但係我又一次又一次令你失望~
對唔住呀~我真係會乖架喇~
我同你講我最聽你話~唔係呃你架~係真架~
多謝你咁耐都冇放棄我~
我唔會再令你失望架喇~唔會再交白卷架喇~
以後唔會有老師向你投訴我~同唔會唔食野架喇~
| 
I LOVE MY LOVER*