哈哈!!我又有幾日冇打日記啦....
都係個個理由,因為,打機麻...真係好鍾意玩呀...> <"
希望我唔會用太多時間去打機啦...哈哈!!

------------------------------------------------------------------

今日,都係如常咁起身身,梳洗完之後,就出門口....

但係因為我慢慢拾野的關係,整到好遲先番到學校...

番到去都成7點58分啦!之後,同藍藍用最快的速度衝上去開locker...

又用好快的速度滾番落去...真係好勁呀...呢d動作都係用左6分鍾咋....

更係啦...咁小ge事難唔到我的...之後,就係到聽日講野,同白禮,ling係到傾計....

佢地勁係到笑,其實,我好認真咁講架?!>v<"then,上堂啦...係到講天耀有人死左,

唉~呢件事真係好轟動呀!!希望唔好再發生啦~係咁上堂....今日,我地兩個班主任都冇番呀...

真係好突然...上公民堂..係到講我地夠唔夠客觀...好快就上完啦...到左lunch time,

我地成班好似走難咁衝左落去食堂到食飯,真係好開心呀!!!我又係最快個個啦....

係到食食食...食完之後,去左女更衣室又見到有對門上鎖左啦...真係好恐怖,

但係點知原來入面有人架...真係估唔到呀...驚餐死..> <""跟住,又發生左好多好搞笑的事情啦....

又上堂啦..英文堂睇電影,正!!宗教堂睇短片...正!!普通話堂係到讀下書咁就過左啦...又係正!!

到左班主任堂,因為,我地兩個miss同呀sir都冇番的關係,我地好自覺咁讀曬要宣佈的事情,

之後,搵左c班的miss黎叫我地放學啦...勁早放左學啦!!藍藍要同呀真一齊唔知去邊,

so,我自己一個回家去了~番到屋企都係4點10分咋,早到咩咁....跟住就更係又打機啦....

到左5點50分,我就去左補習啦!補呀補...到左8點左右自己走人了~番到屋企食左好多飯,沖左個好靚的涼,

就又打機啦....打打下,就打下日記玩下msn咁囉...好啦...唔打啦...我都要訓了~byebye!!