哈哈!又有幾日冇打日記啦!
因為,都唔知打咩野好啦!
自己又懶喎~咪唔係好想打囉!
但係,今日一定要打呀!因為.......

--------------------------------------------

今日,真係真係好唔想起身身,因為,琴晚勁晚先訓得著囉!

但都係迫住要起呀!因為,今日係好重要的日子!

去到車站,同平時一樣,都會見到藍藍....而+我成日都同佢一齊番學.....

因為,佢又係係呢邊搭車車囉!哈~番到學校,上左去放低d野.....

坐左冇幾耐就又要落番去....唔想落去呀!累到爆了~

早餐都冇食,唔知點解放完個復活假回來後,都唔想食早餐.....

真係奇怪啦!係禮堂到早會呀!都好可以坐低....一開始就唱歌仔...

早完會就係結業禮啦!冇錯!今日,係我呢一生人中二最後的一天....

係咁聽人講野,唱歌仔等等啦....我就係咁好辛苦咁坐係到....

因為,我坐個個位,係岩岩好個嘖冷氣出口....冷死我啦~(help me my fds!)

過左好耐,小左個小小息!就又要係咁派野啦!派左好多野呀....

有暑期作業,回條等等....最重要都係!成績表呀!等到鬼死咁耐....

終於,到左呢個重要ge時刻啦!真係好緊張呀!等等等......................

到我啦!真係好鬼死耐!(頂!)miss同我講左都ok多野下.....

我番到座位仔細咁睇下d成績.....真係唔好呀....d分鬼死咁低...

唉~但係全級都有50名,係岩岩好50名.....下次岩岩好10名算啦!

對我黎講麻麻咋!真係要好努力啦!因為,我知重有好多人未發力架!

比之前進左3名,哈哈~真係搞笑....進咁鬼死小!

之後,什麼什麼校隊的頒獎禮,有野食架...我係咁食...

then,落左去打波波...開心~n耐冇打過波波啦....而+,打番都ok啦....

雖然,我知冇可能,可以話係再冇機會出到我架啦!不過,算啦!

都係當玩下咪算啦....學懂不在乎了~打到3點幾就走啦!4點左右就番到屋企啦!

番到屋企,勁多汗成身濕曬,係呢個時候就更係走去沖涼啦!

正爆!哈哈~打機打到咩咁....之後就....

好啦!打住咁多先啦!88

P.S:今日,係中二最後一日啦!
      唔知點解我好唔想咁快過左去!
       可能,真係發生左好多事啦!
       令到我好難忘,開心同好多好多唔開心!!!
        哈哈~就快走個時,再睇下D同學仔,
       好好咁記住佢地而+呢個樣,
       睇下佢地番黎個時,變左D咩呢?!
        聽日,有街出!開心中~期待中~

中二再見了~>３３３＜"