今日2點幾起左身,玩左陣電腦,等Tur寶打黎,出左元朗剪頭髮
搵左幫Tur寶剪果個幫我剪
個髮型師都幾好傾,一路同我剪一路係度傾
佢仲係咁講經過自己研究所得,邊度點剪會好睇d
開頭聽佢咁講我心諗實無死啦,今次應該剪得幾好睇
我fuck,剪完我終於明白到咩叫做瞬間變柒頭,唔同係唔同在我唔係瞬間
唉,點見人呀!
不過入面d人好鍾意唱歌,個髮型師同我剪果時又係度唱
洗頭果時又聽到隔離洗頭果個係度唱,真搞笑!
剪完立即返屋企,Tur寶黎左我度
食完野我同Tur寶同埋呀哥玩鬥地主
玩到8點9出門口
今晚無人落,得我,Tur寶,賢哥同陳伯跳
算,小人D可以專心D練自己野!
點知其間玩龜轉撞親個頭,fuck!好痛!仲要拍左片,本身諗住放上facebook,諗諗下都係唔放了=.=
跳完去左食糖水,食完黑狗返左黎,去左商場吹水
期間超好笑,黑狗將妒忌講左墮忌,仲要連講2次!
之後佢話覺得The end唔係Power move既教父級
跟住陳伯話：「但係賢哥係獸父級喎！」哈哈!好爆!
走果時經過美心
見到天使蛋糕同魔鬼蛋糕張海報,2個蛋糕背後有2個女仔,代表天使同魔鬼
我話：「我覺得魔鬼蛋糕好食個天使蛋糕」
點知賢哥話：「下,我覺得條女好食d喎」
唉,獸父真係獸父！
同陳伯去左恆健吹水,佢講起一件事令我諗返起細個既一件事
細個呀哥唔係天水圍住,間房得我一個人訓,跟住我發惡夢紮醒左
結果驚得滯走左去呀麻間房度拍醒我呀麻叫佢陪我訓,哈,細個真係好無膽(雖然依家都係)
傾到1點鐘,立即返屋企,返去果陣好大風,好涼好舒服,我期待凍既日子應該就到喇掛?
返去沖涼刷牙,唉!成身傷晒!又要搽油!
好想過d唔使搽油既日子
之前唔敢開口既,今日終於開左口!
我等你咋 !
志矮哥爆粗
| 
