15-11-09

琴晚4點先訓,媽咪今朝差唔多11點就打過黎嘈醒我

起身食左個通心粉,玩左陣電腦,遲左,本身約左1點半係落馬洲等,我1點先上車

1點8先去到,都唔係遲好多姐,好彩

送完公公上車之後我同媽咪,姨媽,表妹去左行東門,表妹痴左線,係咁買Boot,一見到就買,Crazy

我剩係買左對假既Nike返去跳舞用,$90,抵玩！不過買鞋果陣又比人當我係女仔....

條友去倉度拎對鞋比我,拎完走過黎果陣同我講「小姐,係咪依對呀?」我屌,做乜成日比人當女仔架！

夜晚食埋飯8點幾就返香港,搭地鐵果陣表妹指住個細路同我講話佢戴戒指,我望一望,嘩！真係一個細路黎,係度懶型戴戒指

於是我係佢後面講左一句「覺得自己型呀」之後上車果陣我行係佢身邊叫「覺！」哈哈,表妹見到笑左超耐！

返到天水圍十點度,上左6樓跳舞,跳到十一點食糖水,食完返屋企沖涼訓教！

14-11-09

今日2點鐘出左上水去探公公,因為公公聽日就走,係姨媽度過左一個下晝,好悶,得NDS玩,好彩有老婆陪我Sms

夜晚出去搵陳伯同Gap Wong諗住係上水食飯,跟住佢地入天水圍我就返姨媽度

點知Gap話不如返天水圍食,正當我想拒絕既時候,佢講左句好有說服力既說話「你入去可以見到你條女喎」就係咁比佢呃左入天水圍

去吉野家食飯,食完上左雞雞度,本身話8點走,點知佢地睇怪談,我又驚既姐,睇到9點先走

去左天恆接老婆就去恆健坐,今晚好開心,成晚都有老婆陪住我

本身話十一點走,媽咪見我夜得滯就叫我索性返屋企訓聽日先出返去送公公走,

好野！可以見多老婆一陣

12點幾佢地去食糖水我就順便送老婆搭車走Lu

送完老婆走就去左食糖水,食完過返恆健坐,2點幾跑走

返屋企沖涼訓教

13-11-09

今日生物測驗,經過比林X華留左咁多日堂去溫生物

結果依個測驗終於算係識,我諗都有70%機會合格,總算對自己同林X華都有個交代！

夜晚本身老婆話黎天恆,點知佢地無啦啦話過屯門跳,搞到無得見老婆,成晚個人都好Sad咁

本身仲諗住過屯門睇下D人跳,點知佢地睇我地仲多過我地睇佢地,無野好講

不過果度塊地都幾正,只係痛左D,又易擦損,搞到我練Air Turto果時擦損左膝頭哥,好痛！

不過Air Turto都有D Feel,都算有收獲

跳到11點跑返天水圍,返到去買野食係恆健坐,唔記得坐到幾點

返屋企沖涼訓教

依個鬼佬真係..