差唔多成個星期無打,因為呀哥日日都打機,我就好夜先返到屋企,攰到唔想打,依家繼續吧！

略略講返近排既事啦,班同學終於肯拍片,跳Sorry Sorry同No Body,我做左Sorry Sorry既排舞師

真係岩,戰友又做左佢地班跳MJ既排舞師,哈哈,戰友真係戰友！

不過真係好難教,D人又成日玩,唔肯聽,忍左好多次,有2日終於忍唔住屌左佢地1-2句

教左個幾2個星期,終於教識成Part,只係1分幾鐘,就用左個幾2個星期排,仲要唔係好齊,算啦,未接觸過跳舞就學1Part舞,都已經好好架喇！

依排都係過D咁既日子,返學,排舞,返屋企訓教,去搵老婆,好開心,不過就成個星期無跳過舞

呀哥將間房D舊衫執晒出黎同我拎去捐左佢,仲將其他衫&雜物執好晒,間房整齊左好多,正！

11/12超正,剩係返3堂,不過3堂都係生物,比林x華插,因為10號無去留堂

佢叫我今日留返,不過我會考體育出去睇東亞運籃球,所以照走,遲D實比佢鬧生

東亞運好正,冠軍果場好刺激,最尾得返1分鐘,打左半個鐘,D戰術用得好好,中華台北對韓國,我支持前者,可惜最後都係輸

12/12朝早返左學校做拍片既最後沖刺,不過有D大佬發脾氣,又踢枱又踢発,真係好笑,就係因為我地影佢地搬枱発,話唔想出鏡

唔想出鏡即係唔想比人睇到啦,唔想比人睇到你出街戴面具啦不如,做果小小野就發脾氣,覺！

跟住夜晚去左燒野食,因為郭德嫣生日,生日快樂To You！

12/12同13/12都同陳伯去左大埔返工,搵唔到老婆,搞到我鬼死咁掛住佢,要快D抽時間去搵下佢先得！

13號有個片段好好笑,我要搬舊野入間屋入面,跟住我就拎住舊野跑入屋,果時夜晚黑無光,陳伯呀爸關左道玻璃門

我睇唔到,一野撞左埋去,好彩唔係正面撞係側面撞,剩係撞到手臂,唔係好痛,痛完返彈出黎果陣隻腳仲要再sin一sin,差D仆街

比陳伯睇到,笑到佢死,唔單止佢,我自己都笑死

因為我諗住笑笑小電影有條友又係見唔到有道玻璃門一野撞左落去,估唔到咁既事都會發生係我身上

放工返左恆麗跳舞,無跳差唔多1星期,無退步反而有進步,Turto無啦啦快左好多,哈哈,爽！

拍左片,放上FB先-v-！

打到依度夠喇,仲有好多野想打,不過好攰,所以都係唔打了

超勁既細路女...