今日一朝早俾美麗華家姐嘈醒我！叫我出旺角喎！呵！之後我就換衫同媽咪同佢！一齊出來旺角搵菁菁家姐同呀榮！

第一站就去左依個朗豪坊！不過好肚餓！所以就去左果度個美食廣場度食野！我食左個好好味既意粉呀！勁好味呀！不過唔記得叫乜名！哈哈。之後係旺角都行左好多地方又食下野咁！行足4粒鐘行到4點幾就返元朗囉！

返到元朗！又係百佳個美食廣場到買左d壽司食呀！食完之後就返屋企囉！哈！行返屋企中途我唔小心踩到隻死左既老鼠呀！我一度行一度諗就覺得成身都好似好唔舒服咁！返到屋企我勁快速咁去左沖涼囉！沖完之後！舒服哂！哈哈！

夜晚果餐食爸爸整好好味既肉丸呀！勁好味囉！唉！今日不停咁食！肥死啦！哈哈！

夜晚都冇地方好去，其實係因為自己唔想出街！同冇活動吸引到我姐！哈哈！不過冇所謂啦！琴日都玩左啦！ha ha

所以係屋企賞月啦！哈！我傾傾下電話望出窗口！真係俾我見到個好大好圓既月光呀！我仲以為俾d雲遮住見唔到嫁添！呵！今個中秋都幾開心呀！哈哈！同屋企人過！呵呵！始終都係屋企人好！哈哈！