好耐都無打過日記啦..過多幾日就同老公行左5個月啦..時間開始過得越來越快..唔知係唔係日日都見到你..又或者上天比一個考驗比我..去試驗我..由我返工開始..唔知係唔係精神緊張定唔夠訓既問題..今個月開始發惡夢..個夢係講我大左肚..你同我講分手話唔要我><"我喊哂..跪地求你都唔同返我一齊..但係你答我都係得一個答案..分手啦..我唔想再同你一齊..講完呢句之後我就醒左..星期六個日..係朝早10點幾..訓訓下我突然醒左..個夢又再發多一次..我好驚一睜開眼唔見左你..我用手慢慢去攬住你..我個時好開心..因為我隻手掂到你既體溫..我嗅到你身上既香水味..之後攬住你訓返..可能真係精神緊張過度啦..今日joe媽同我講佢同之前條女係返一齊..唔同而家個個一齊..佢同我講左好多感情上既野..佢都話我可能唔夠訓..先會咁姐..但係我真係好擔心有呢一日既出現..我知如果我講比你聽..你一定會同我講..【傻豬..唔好亂諗野啦】joe媽問我一個問題..『一對情侶既開始..係大家都對大家有feel先係一齊..唔係為左某一d原因先係一齊..可能大家一開始對大家都有d隔膜..對對方既事咩都唔知..但係時間始終都會過..大家都會行得越黎越耐..到左呢個時間可能自己仲未接受到同對方一齊..又或者太愛對方..但係你有無問下自己究竟自己同呢個人一齊..你自己開唔開心..就算係唔係呢一樣野..你自己問心個句..由你第一日開始同你條仔一齊..你係唔係已經注定呢一個男人可以同你行得耐..對你好唔好..錫唔錫你..你有咩事佢會唔會第一時間幫到你..有無安全感..就算以上既野無既話都好..呢d野可以用時間去改變..但係你有無諗過一個問題..如果呢一個男人..他朝有一日佢成日打你..唔理你..成日都只係出去同朋友花天酒地..日日都飲酒..賭錢..工都唔返..你會唔會去原諒佢..繼續同呢個人一齊..一齊去渡過難關..去幫佢改變返好似之前咁對你..』我聽完之後..我第一時間諗都唔諗就答左我唔會放棄呢一個男人..就算係佢變成點都好..好似你上面咁講..我都唔會因為呢d事而離開佢..因為佢係我咁多個男朋友之中對我最好..最錫我..識得去睇諒我..我想見佢既時候佢可以第一時間陪我..雖然係同佢行得唔係好耐..但係始終係我心目中你係我最愛既人..永遠都係..無法改變..我記得joe媽你講過..珍惜眼前人..唔係每一男人都可以每一晚話你想見就見到佢..你發佢脾氣唔係佢話容忍到容忍到你..唔係你話想要咩佢就要咩都比到你..佢已經對你好好..知你鐘意hello kitty就去換比你..唔係個個男人都做得到..你要明白呢d野..仲有既係你唔好為左一d小事..又或者佢騙你d咩就第一時間去話佢..可能佢都有佢既原因先會咁做..始終呢一個人係鍾意你..愛你..想比到安全感你..先會同你一齊..而唔係為左係你身上得到利益先同你一齊..佢係一個好男人你要好好珍惜..呢個世界上唔係好似睇戲咁有個完美結局..點解咁多人會行左咁耐先分開..結左婚幾年之後就離婚..所以你要好好記住..你身邊呢個男人唔係你之前個d分開左先知你對佢好..佢係知道你又愛佢佢又愛你..先會同你一齊..到左呢一刻..係一段對話我地足足講左4個幾鐘..多謝你joe媽..希望你都聽我講我對你講既野..女人係囉黎錫..點解個女仔要浪費青春時間同你一齊..呢個世界上唔係得你呢一個男人..佢可以唔選擇唔同你一齊..就係因為佢係真心愛你..唔好成日都講女人唔知諗咩..其實你諗既野同佢諗既野係一樣..都唔想失去對方..
老公..我知道我成日都發你脾氣..成日都喊要你哄返我..你仲記唔記得我講過我同你講我地會唔會行左3個月就分手..定係行左半年之後分手..但係我唔驚啦..因為我唔會再去諗我地幾時會分手..我只係諗我每一日要點去愛你多d..係呢到我好感激你去體諒我既小姐脾氣..多謝你每一日比到快樂我..每一日都用放工時間同私人時間黎陪我..我地咁辛苦都行到咁耐..我地一定會渡過每一個難關..我每一次都講架啦..我唔會唔愛你..唔會為左一d小事而分手..因為你係我既最愛【SHING】