今日11點比電話嘈醒左..如果冇左個個電話我諗今日起碼12點起身..

起身就on msn啦..跟住同人傾電話..跟住就同人傾左陣msn..

本身諗住唔出街..點知聰聰又叫我同佢去踢波..跟住冇得陪人..

走左去踢波..出到大埔..去左寶湖踢波..踢到第3埸..

我地狂比人入.唔洗1個字入左4球..好彩冇人跟隊姐..

跟住再踢多埸就見到班人..佢地個樣好似有料..我地就住黎踢..

唔敢點撞佢地同踢走佢地個波..廢事踢到佢地隻腳又係度嘈啦..

跟住踢多埸都廢鬼事同佢地玩..就去左廣福啦..

去左買野飲之後就去五人埸..個度個埸好細..d人全部都玩技術..

有兩個細佬好勁下..有一個到我心口..但係我諗佢同我差唔多勁..

扭波仲可能勁過我添..除左個幾個細佬..d大人都好勁..

不過個度d大人全部都有料..唔敢點得罪佢地..同佢地講野都好有禮貌..

跟住我地落埸啦..我地比人禁住黎打..我搶左波就比郭子或者聰聰..

不過郭子就當左係大埸..下下炒飛機..聰聰就有1球中柱1球比人岩岩好救到..

我就射左一球..不過唔中龍..跟住就梗係輸左啦..跟住就去返寶湖..

去到見到嘉豪..我嗌佢..佢就話..好耐冇見啵..跟住同佢傾左陣..

再同佢傳下波佢地就同d呀伯打啦..d呀伯輸左就到我地落埸..

我係埸度狂爆..不過快過d人都冇用..唔夠撞..

高我成個頭..過左佢佢撞一撞就撞開左我..跟住有一球轉身即射..

不過貼柱出界..一球就比龍門救左..跟住就輸左比佢地啦..

跟住到呀伯佢地同嘉豪佢地鬥..呀伯個邊小左個龍門..

我就去幫呀伯個隊做龍門啦..跟住佢地有球回傅..

我睇唔到個波冇啦啦彈出黎..咁我就出去慢左..搞到比人射入..

d呀伯仲話我打假波..我屌~你估我想咩..

跟住我地打多埸就同聰聰去買野飲啦..買左返黎佢地就走..

早知係咁就唔買啦..跟住就同聰聰睇左陣波就走啦..

後尾返到屋企先知留左件''嬲''係車度..唉..仆街..

跟住返到屋企都冇人..呀媽打牌..呀爸去左睇醫生..

跟住成9點呀爸先返..返到黎就沖涼訓..自己一個..

同人傾左陣電話同埋msn..跟住到11點睇電視..

跟住呀媽返..問佢攞左100蚊..跟住佢就沖涼訓..

我就玩電腦..聽日就比賽啦..唔可以輸..

足球輸左唔想排球都輸埋呀..希望羸啦..